काठमाडौं (हाम्रो खेलकुद)- शारिरिक रुपमा अशक्त चेस फेडेरेसन (सिएफपिडी ) र विशेष रुपमा सक्षम गोवा चेस एसोसिएसन (जिसिएएसए) को संयुक्त आयोजनामा फरक क्षमता भएका व्यक्तिको २४ औं विश्व व्यक्तिगत चेस च्याम्पियनसिप (आइपिसिए)  भारतमा आज सुरु भएको छ। 

विश्व बुद्धिचाल महासंघको तत्वावधानमा जुलाई २१ देखि ३१ सम्म प्रतियोगिता सन्चालन हुनेछ।
प्रतियोगितामा विश्व विजय घिमिरेले नेपालको प्रतिनिधित्व गर्नेछन्।‌ 

फरक क्षमताको बीचमा हुने स्पर्धामा ५५ बर्षिय विश्व विजयको सहभागिताको लागि मेची नगरपालिकालेे आर्थिक सहयोग गरेको थियो ।

विश्व चेस महासंघको आधिकारिक वर्ल्ड च्याम्पियनसिपमा नेपालको यो तेस्रो सहभागिता हो । यसअघि सन् २०२४ मा नेपाल च्याम्पियन रुपेश जैशवालले अजरबैजानमा भएको वर्ल्ड  साइकल छनोटमा नेपालको प्रतिनिधित्व गरेका थिए ।

त्यस्तै  २०२४ कै काजाकिस्तानमा भएको वर्ल्ड युथ क्याडेट च्याम्पियनसिपमा त्रियोग उच्च माविका विद्यार्थीले नेपालको प्रतिनिधित्व गरेका थिए।

त्यसैगरी यस वर्ल्ड च्याम्पियनसिपमा नेपालका अन्तर्राष्ट्रिय आविर्टर  यज्ञप्रसाद पन्त निर्णायकको भुमिकामा रहनेछन्। कुनै पनि वर्ल्ड च्याम्पियनसिपमा निर्णायकको रुपमा नेपाली आर्विटरको यो पहिलो अवसर पनि हो।

उक्त फरक क्षमता भएका बुद्धिचाल खेलाडीको वर्ल्ड च्याम्पियनसिपमा नेपाल सहित आयोजक  भारत,  कजाकिस्तान, चीन, इजरायल, फ्रान्स, रुस, पोलाण्ड, स्लोभाकिया,हंगेरी, चेकोस्लाभाकिया, मंगोलिया, फिलिपिन्स, अवरबैजान, उब्जेकिस्तान लगायतका ९७  खेलाडीको सहभागिता  छ ।