पोखरा (हाम्रो खेलकुद) – पोखरा माटेपाटनमा जारी प्रथम अभियान पुरुष भलिबल प्रतियोगिताको सेमिफाइनल र फाइनल खेल आज हुँदैछ । बिहान हुने सेमिफाइनलमा पोखरा बहुमखी क्याम्पस र पोखरा क्लबबीच प्रतिस्पर्धा हुनेछ । अर्को सेमिफाइनलमा बाराही मावि र पुनहिल क्लब घोरेपानी बीच हुने बताइएको छ । फाइनल पनि आजै हुनेछ ।
शुक्रबार पहिलो खेलमा पोखरा क्लबले मालेपाटन जागृति क्लबलाई २५–१६, २५–१७ को सेट सेटमा हरायो । अर्को खेलमा पुनहिलले मालेपाटन युनाईटेडलाई २२–२५, २५–२० र २५–२२ ले पराजित गर्यो । पोखरा बहुमुखी क्याम्पसले नेपाल प्रहरीलाई १६–२५, २५–२१, २०–२५ ले तथा बाराही माविले कालाबाङलाई २१–२५, २५–१४ र २५–१७ ले हरायो ।
त्यस्तै पुनहिलीले सशस्त्र प्रहरी बल कालिका गणलाई २५–१८ र २५–२० को सोझो सेटमा हरायो । अभियान युवा क्लबको आयोजना, जिल्ला भलिबल संघ कास्कीको समन्वय, पोखरा लेखनाथ महानगरपालिकाको विशेष सहयोग तथा मेट्रोसिटी अस्पतालको मुख्य प्रायोजनमा जारी प्रतियोगिताको विजेताले ५० हजार ५ सय ५५ तथा दोस्रो हुनेले ३० हजार ५ सय ५५ रुपैयाँ प्राप्त गर्नेछन् ।
