कोरियामा पारा तेक्वान्दोमा रन्जनालाई कांस्य

काठमाडौं (हाम्रो खेलकुद)– नेपाली खेलाडीले तेस्रो एसियन पारा तेक्वान्दो च्याम्पियनसिपमा कांस्य पदक जितेकी छिन् ।
कोरियाको छुनछुन सहरमा भएको च्याम्पियनसिपको ४९ केजी तौलसमुह अन्र्तगत के–५५ विधामा रन्जना धामीले कास्य पदक जितेकी हुन् ।

पारा तेक्वान्दोकी पदक विजेता रञ्जना धामी (दायाँ) प्रशिक्षक कविराज नेगी लामाका साथ ।

तेक्वान्दो प्रशिक्षक कल्याण कुँवरका अनुसार रन्जना सेमीफाइनलमा मंगोलियाकी खुरेलबातर इन्खतुया सँग १४–६ ले पराजित भएपछि कास्य पदकमा सिमित भएकी थिइन् । खुरेलबातर स्वर्ण जित्नुका साथै च्याम्पियनसिपको बेस्ट फाइटरको उपाधि जितेकी थिइन् ।

पुरुषको ७५ तौल अन्तर्गत के–४२ विधामा रोहित राई क्वाटरफाइनलमा इरानका जफर्जादेह महमोदसँग पराजित भएपछि पदक विहिन भए । त्यसअघि रोहितले कोरियाका जाङ योन यो लाई हराउँदै क्वाटरफाइनलको यात्रा तय गरेका थिए ।

महिलाको ५८ केजी तौलसमुहको के–४४ मा नेपालकी पलेसा गोवर्धन टर्कीकी अनुभवी खेलाडी गुलदल गाम्जीसँग पराजित भइन् । छुनछुन कोरिया ओपन आइतबारबाट सुरु हुने टोलीका व्यवस्थापक दीपक विष्टले जानकारी दिए ।