काठमाडौं, माघ १५ । प्रथम पूर्व नेपाल च्याम्पियन विकासमान लामा ‘नेपाल टेलिकम कप’ नवौं सार्वजनिक संस्थान खेलकुद प्रतियोगिता अन्तर्गत बुद्धिचालतर्फ दोश्रो चरणको खेल सकिँदा शुक्रबार शीर्ष स्थानमा छन् ।
नेपाल विद्युत प्राधिकरणका विकासको २ अंक छ ।
सार्वजनिक संस्थान खेलकुद संघ नेपालद्वारा आयोजित प्रतियोगितामा समान २ अंकसाथ नागरिक उड्डयन प्राधिकरणका गोपालबहादुर डंगोल विकाससंगै शीर्ष स्थानमा छन् ।
प्रतियोगिताको आयोजक संघका अध्यक्ष कुलबहादुर आचार्यले एक कार्यक्रमबीच उद्घाटन गरे । बुद्धिचालमा १२ प्रतिस्पर्धी सहभागी छन् । पहिलो हुनेले १५ हजार, दोश्रोले १० हजार र तेश्रोले ५ हजार नगद पुरस्कार प्राप्त गर्नेछन् ।
प्रतियोगिताको दोश्रो तथा अन्तिम दिन पुरुष÷महिलाको खुला र कर्मचारीको क्रमशः १० किलोमिटर र ५ किलोमिटर दुरीमा दौड हुनेछ ।दौडको कुल पुरस्कार राशी १ लाख ६० हजार रुपैयाँ रहेको छ ।
