काठमाडौं, २३ माघ । भारत्तोलनका देवी चौधरीले भारतमा जारी १२ औं साग गेम्समा नेपाललाई पहिलो पदक दिलाएकी छन् ।
भारत्तोलनको ५३ केजी तौल समूहमा देवी चौधरीले कास्य पदक जितेकी हुन् ।
गुवाहाटीको भोगेश्वरी फुकानानी इन्डोर रंगशालामा भएको खेलमा १२६ केजी उचाल्दै उनले पदक जिताएकी हुन् । भारतकी हर्षदिप कौरले स्वर्ण जिते भने श्रीलंककी चमारी मेण्डिसले रजत पदक जितिन् ।
अर्को खेलमा ४८ केजी तौल समूहमा नेपालकी मनिसा रानाभाट चौथो भइन् । उनले १०७ केजी उचाल्दै चौथो भएकी हुन् । चामु मिरापाईले स्वर्ण पदक जितिन् ।
पुरुषतर्फ पनि नेपालका विकास थापाले ६२ केजी मुनि कास्य पदक दिलाएका छन् । उनले स्नाच ११२ केजी तथा क्लिन एंड जर्कमा १३० केजी तौल उचाल्दै टोटल २४२ केजी तौल उचाल्दै कास्य जितेका हुन् ।
पुरुष तर्फको खेलमा प्रकाश केसी पनि चौथो भए ।
