धनगढी, फागुन २९ । धनगढीमा जारी सगरमाथा सिमेन्ट धनगढी क्रिकेट लिग(डिसिएल)सिजन–३ मा सिवाइसी अत्तरियाले पहिलो जित दर्ता गरेको छ ।
शनिबार सम्पन्न पहिलो खेलमा मेवुव आलमको अविजित अर्धशतकीय पारीको मद्दतमा सिवाईसी अत्तरियाले हसनपुर रोयल्र्सलाई ६ विकेटले पराजित गर्दै प्रतियोगितामा पहिलो जित दर्ता गरेको हो । हसनपुर रोयल्स्ले दिएको ९६ रनको लक्ष्य अत्तरियाले ४ विकेटको क्षतिमा १४.२ ओभरमा पुरा ग¥यो । २६ बलको सामना गरेका मेहबुब आलमले ४ चौका र ४ छक्का प्रहार गर्दै अर्धशतक पुरा गरे । त्यस्तै प्रेम तामाङले १२ रनको योगदान दिए । हसनपुर रोयल्र्सका दिपेन्द्र सिंह ऐरी, प्रकाश थापा, अमित पडाल, भिम सार्कीले समान १ विकेट लिए ।
यसअघि टस हारेर पहिले ब्याटिङको निम्तो पाएको उत्रेको हसनपुर रोयल्र्सले १९.६ ओभरमा सवै विकेट गुमाएर ९५ रन मात्र बनाउँन सक्यो । हसनपुर रोयल्र्सका लागि दिपेन्द्र सिंह ऐरीले सर्वाधिक ३२ रन बनाएपनि अन्य ब्याट्सम्यान चल्न नसक्दा कमजोर रनमै समेटियो । बसन्त सिंह कार्कीले २६ तथा प्रकाश थापाले १६ रनको बनाए । अत्तरियाकासुरेन्द्र चन्दले ४ विकेट तथा मेहबुब आलमले २ विकेट लिए ।
