काठमाडौं – मध्यपश्चिममा प्रधानमन्त्री कप जारी रहँदा पूर्वको झापामा भने तेस्रो राष्ट्रिय पुरुष लिग भलिबलको सेमिफाइनल समिकरण पुरा भएको छ ।
अन्तिम चारमा विभागिय टोलीको बहुल्यता रहेको छ । सेमिफाइनल पुग्ने चारमध्ये तीन टोली विभागकै छन् ।
नेपाल पुलिस, त्रिभुवन आर्मी क्लब, सशस्त्र प्रहरी र पश्चिमाञ्चल भलिवल संघ अन्तिम चारमा प्रवेश गरेका छन् । तीनै विभागले समान ६ अंक र पश्चिमाञ्चल ५ अंक जोड्दै सेमिफाइनलको यात्रा तय गरेका हुन् ।
शुक्रबार आर्मी र एपिएफले दुई दुई खेल जिते । ढोरपाटनलाई २५–१३, २५–१२, २५–१९ ले हराउँएको एपिएफले अर्को खेलमा जाउलाखेललाई २५–११, २५–१५,२५–२३ ले निराश पार्यो ।
आर्मीले मध्यमाञ्चललाई २५–१२, २५–१४,२५–२१ ले र पूर्वाञ्चललाई २५–१२, १५–१२ र २५–२० ले हरायो ।
शुक्रबार पहिलो खेलमा नेपाल पुलिसले जाउलाखेल क्लबलाई २६–२४, २५–२१, २५–१६ ले हराउँदै विजयी टोलीका इम राना म्यान अफ दि म्याच भए । नेपाल पुलिसका इम राना घोषित भए ।
अर्को खेलमा पश्चिमाञ्चलले पूर्वाञ्चललाई २५–१८, २५–९, १२–२५, २३–२५,१५–१० ले पराजित गर्यो ।
