काठमाडौं(हाम्रो खेलकुद) – न्यू डायमण्डले ढोरपाटनलाई आरबिबी एनभिए महिला क्लब च्याम्पियनसिपमा सोझो सेटमा पराजित गर्दै समूह ‘ए’ को विजेता बनेको छ ।

मंगलबार त्रिपुरेश्वरस्थित राष्ट्रिय खेलकुद परिषद (राखेप) कभर्डहलमा भएको खेलमा न्यू डाइमण्डले ढोरपाटनलाई ३-० को सोझो सेटमा पराजित गरेको छ । न्यू डाइमण्ड २५-३, २५-१६ र २५-१२ को ले विजयी बन्यो ।

यस अघि नै सेमिफाइनल पुगेको नेपाल पुलिस क्लब समूह ‘बी’को उप विजेता बनेको छ । अब बिहीबार हुने सेमिफाइनलमा एपिएफ र पुलिस तथा न्यू डायमण्ड र आर्मीबीच प्रतिस्पर्धा हुनेछ ।

 नेपाल एपिएफ क्लब आरबिबी एनभिए महिला क्लब च्याम्पियनसिप अन्तर्गत समूह ‘ए’ को  विजेता बनेको छ ।सेमिफाइनल पुगिसकेका दुई विभागिय टोलीको प्रतिस्पर्धामा  आर्मीलाई ३-१ ले हराउँदै एपिएफ समूह विजेता बनेको हो । एपिएफले आर्मीलाई २५-१०, १९-२५,२५-१८ र २५-१० ले गरिएको थियो ।

त्यस अघि पुरुषतर्फ  विभागिय टोली पनि आ आफ्नो समूह विजेता बन्दै आरबिबी एनभिए पुरुष क्लब भलिबल च्याम्पियनसिपको अन्तिम आठमा पुगेका छन् ।

नेपाल पुलिस क्लब समूह ‘सी’ र नेपाल एपिएफ क्लब ‘बी’ को विजेताका रुपमा क्वार्टरफाइनल पुगेका हुन् । राखेप कभर्ड हलमा भएको समूह चरणको अन्तिम खेलमा मणिमुकुन्द भलिबल क्लबलाई पुलिसले २५–१४,२५–२० र २५–१४ ले हराउँदै अघि बढेको हो । पराजित भएपनि मणिमुकुन्द पनि अन्तिम आठमा पुगेको छ ।

त्यसअघिको खेलमा एपिएफले जावालखेल भलिबल प्रशिक्षण केन्द्रलाई २५–१४,२५–१० र २५–९ ले हरायो । समूह बीबाट बुलबुले रारा क्लब उपविजेताका रुपमा क्वार्टरफाइनल पुगेको थियो । आर्मी अघिल्लो दिननै समूह एको विजेताका रुपमा अघि बढेको थियो ।

समूह एमा नयाँ बजार सामाजिक युवा क्लब उपविजेता बनेको थियो । समूह डीबाट हेल्प नेपाल स्पोर्टस क्लब समूह विजेता र बुद्धटोल युवा भलिबल क्लब उपविजेताका रुपमा अन्तिम आठ पुगिसकेका हुन् ।