काठमाडौं (हाम्रो खेलकुद) – नेपालले ४२ औं चेस ओलम्पियाडमा पहिलो जित हासिल गरेको छ । अजरबैजानको बाकुमा जारी ओलम्प्यिाडको सोमबार भएको तेस्रो चरणमौ टोलीले जित हासिल गरेका छन् । दुवै टोलीले समान २ अंक जोडेका छन् । नेपाल बुद्धिचाल संघले दिएको जानकारी अनुसार नेपालको पुरुषतर्फ युएस भर्जिन आइसलेज र महिलातर्फ स्वाजिल्यान्डलाई समान ४–० ले हराएको थियो ।

दोस्रो चरणमा पनि व्यक्तिगत खेलमा जित हासिल गरेका शान्ताले सोमबार निकिवे न्हुचुमालोलाई खेलको ४४ औं हराइन् । शान्ताको व्यक्तिगत अंक २ पुगेको छ । नेपाल च्याम्पियन सिन्दिरा जोशीले नोसिमालो मिकान्तो लाई पराजित गरिन् । सुजना लोहनीले तेमाबुयो न्कुन्यालाई र अस्मिता अधिकारीले मिथावा थाबिलेलाई हराइन् ।
पुरुषतर्फ नेपालका लागि २०९९ रेटेड केशव श्रेष्ठले २२०५ रेटेड खेलाडी जेम्स माच्यदलाई ४० औं चालमा पराजित गरे भने । सजिन महर्जनले आफुभन्दा कम रेटेड खेलाडी एनाटोनी मोन्गिलोलाई हराए । त्यस्तै भुपेन्द्र निरौलाले २१५४ रेटेड खेलाडी डेम्सी जोन माथि जित दर्ता गराउन्दा फिडे मास्टर बिलमलाल श्रेष्ठले डेबिड कन्हफलाई खेलको ३९ औ चालमा हराउन सफल भए । व्यक्तिगत रुपमा बिलमको यो दोस्रो जित हो । उनको अंक २ पुगेको छ ।