काठमाडौं (हाम्रो खेलकुद) – दुई नेपाली चेस खेलाडीले क्यान्डिडेड मास्टरको उपाधि हासिल गरेका छन् ।
अजरबैजानको बाकुमा जारी ४२ औं चेस ओलम्पियाडका दौरान सजिन महर्जन र सुजना लोहनी क्यान्डिडेड मास्टर उपाधि हासिल गर्न सफल भएका हुन् ।
ओलम्प्यिाडको सातौं चरणमा शनिबार सजिनले जर्सीका वाइस्की पल (१९९२ रेडेट) लाई हराएका थिए भने सुजनाले आफुभन्दा उच्च वरियाताकी स्भातिनल गोच्नर (१८०९ रेटेड) लाई पाराजित गरेको नेपाल बुद्धिचाल संघले जनाएको छ ।
ओलम्पियाडमा व्यक्तिगततर्फ सिजनले ६ खेलमा र सुजनाले ५ खेलमा समान ४ अंक जोडेका थिए ।
सजिनले अब हुने तीन खेलबाट २ र सुजनाले ४ खेलबाट २ अंक प्राप्त गर्न सके दुवैले फिडे मास्टरको उपाधि प्राप्त गर्नेछन् ।
