काठमाडौं (हाम्रो खेलकुद) – अजरबैजानको बाकुमा जारी ४२ औं चेस ओलम्पियाडमा नेपालको पुरुष टोलीले सफलता प्राप्त गर्दा महिला टोली भने निराश भएको छ ।

समूह ‘डी’ मा रहेको पुरुष टोलीले जर्सीलाई ४–० ले पराजित गरेको छ । आठौं चरणको खेल जित्न सके नेपालले पदक जित्ने सम्भावना रहेको नेपाल बुद्धिचाल संघले जनाएको छ ।
प्रतियोगितामा उच्च प्रदर्शन गरिरहेको फिडे मास्टर बिलमलाल श्रेष्ठ (२०१७रेटेड) ले टिटो कान (१८८० रेटेड) लाई पराजित गरे । बिलमलले अहिले सम्म ६ खेलमा ५ जित र १ खेलमा बराबरी गरेका छन् । भुपेन्द्र निरौलले क्रिजेटो बेल्जोलाई हराए । सिजन महर्जनले पाउल वाइस्कीलाई माथ दिए । त्यस्तै क्षितिज भण्डारीले ग्राहम मोनीलाई हराए । हुनेछ ।
नेपाली महिला टोली ३–१ ले पराजित भएको थियो । महिलातर्फ एकमात्र खेल सुजना लोहनी ले जितिन् भने मोनालिसा खम्बु, सिन्दिरा जोशी र अस्मिता अधिकारी पराजित भए । महिला टोलीको ४ अंक छ । सिजन र सुजनाले सातौं चरणको जितपछि क्यान्डिडेड मास्टरको उपाधि हासिल गरेको नेपाल बुद्धिचाल संघले जनाएको छ ।