3 years ago
July 4, 2021
काठमाडौं (हाम्रो खेलकुद) – नेपाल भलिबल संघका महासचिव जितेन्द्रबहादुर चन्द सेन्ट्रल एसिया भलिबल संघको कोषाध्यक्ष नियुक्त भएका छन् । सेन्ट्रल जोनका सदस्य राष्ट्रहरुको संयुक्त निर्णय अनुसार चन्दलाई चार वर्षका लागि कोषाध्यक्षमा नियुक्त गरिएको संघले शनिबार पत्रमार्फत चन्दलाई जानकारी दिएको हो । नेपाल भलिबल संघमा विगत ९ वर्षदेखि महासचिव पदमा रहँदै आएका चन्दले नेपाली भलिबलसँगै सेन्ट्रल […]
काठमाडौं (हाम्रो खेलकुद) – नेपाल भलिबल संघका महासचिव जितेन्द्रबहादुर चन्द सेन्ट्रल एसिया भलिबल संघको कोषाध्यक्ष नियुक्त भएका छन् ।
सेन्ट्रल जोनका सदस्य राष्ट्रहरुको संयुक्त निर्णय अनुसार चन्दलाई चार वर्षका लागि कोषाध्यक्षमा नियुक्त गरिएको संघले शनिबार पत्रमार्फत चन्दलाई जानकारी दिएको हो । नेपाल भलिबल संघमा विगत ९ वर्षदेखि महासचिव पदमा रहँदै आएका चन्दले नेपाली भलिबलसँगै सेन्ट्रल एसियाको भलिबलमा गरेको योगदानको कदर गर्दै जिम्मेवारी दिइएको हो ।
चन्दले यो उपलब्धि आफ्नो व्यक्तिगत नभएर समग्र नेपाल भलिबल क्षेत्रले आफ्नो योगदानको कदर भएको बताए । ‘नेपाली भलिबलले गरेको मिहिनेतको कदरको रुपमा यसलाई लिएको छु । हामीले सेन्ट्रल जोन पुरुष भलिबलको आयोजना, यस क्षेत्रमा महिला भलिबलको गतिविधिमा जोड दिने तथा सेन्ट्रल एसियामा स्फुर्त रुपमा लागेका थियौं । त्यसमा हाम्रो सहभागिता देखेर नै यो जिम्मेवारी पाएको छु,’ चन्दले भने, ‘आउने दिनमा अझ राम्रो कार्य गरेर यसको सम्मान गर्नुपर्छ भन्ने बुझेको छु ।’
नेपालले सन् २०१९ अगस्टमा पुरुषको सेन्ट्रल जोन भलिबल प्रतियोगिताको सफलतापूर्वक आयोजना गरेको थियो । त्यसबेला सेन्ट्रल जोनको कार्यसमिति बैठक समेत आयोजना गरेको थियो । त्यस्तै बंगलादेशमा भएको महिला सेन्ट्रल जोनमा नेपालले उपाधि जितेको थियो । सेन्ट्रल जोन भलिबलमा नेपाल, भारत, श्रीलंका, बंगलादेश, भुटान, पाकिस्तान, अफगानिस्तान, इरान, कजाकस्तान, किर्गिस्तान, माल्दिभ्स, ताजिकिस्तान, तुर्कमेनिस्तान र उज्बेकिस्तान सदस्य राष्ट्रका रुपमा रहेका छन् ।
March 29, 2024
चितवन (हाम्रो खेलकुद)- मधेश प्रदेश र भारतीय टोली तालतला इन्स्टिटाइट कोलकाता चितवनको भरतपुरमा जारी इण्डो–नेपाल टि ट्वान्टी च्याम्पियनसिप क्रिकेटको फाइनलमा भिड्ने भएका छन्। गौतमबुद्ध अन्तर्राष्ट्रिय क्रिकेट रंगशालाको नमुना मैदानमा शुक्रबार भारतको क्षेत्रीय टोली पिएसआरए ग्रुप लखनउलाई २ विकेटले पराजित गर्दै मधेश फाइनलमा पुगेको हो। जितको लागि लखनउले दिएको १ सय ४८ रनको लक्ष्य मधेशले १९.४ […]
March 29, 2024
काठमाडौं (हाम्रो खेलकुद) – ओपनर लोकेश बमको आक्रामक शतकका बाबजुद नेपाल ‘ए’ ले टि२० सिरिजको पहिलो खेलमा आयरल्यान्ड वल्भ्ससँग २१ रनले पराजित भएको छ । आयरल्यान्डले प्रस्तुत गरेको २ सय २३ रनको विजयी लक्ष्य पछ्याएको नेपाल ‘ए’ ले ३ बल अगावै २ सय १ रनमा अलआउट भयो । यससँगै वल्भ्सले सिरिजमा १-० को अग्रता लिएको […]
March 29, 2024
काठमाडौं (हाम्रो खेलकुद) – आयरल्यान्ड वल्भ्सले नेपाल ‘ए’ विरुद्धको टि२० सिरिज अन्तर्गत पहिलो खेलमा २ सय २३ रनको विशाल लक्ष्य प्रस्तुत गरेको छ । पहिलो ब्याटिङको निम्तो पाएको वल्भ्सले निर्धारित २० ओभरमा ५ विकेट गुमाएर २ सय २२ रन बनायो । मध्यम सुरुवात गरेको आयरल्यान्ड वल्भ्सले अन्त्यतिर आक्रामक ब्याटिङ गर्दै विशाल योगफल खडा गर्यो । […]