default_image

3 years ago

September 20, 2021

युवा स्पाइकर रियाको घुँडाको सफल शल्यक्रिया

काठमाडौं (हाम्रो खेलकुद) – नेपाली महिला राष्ट्रिय भलिबल टोलीको बन्द प्रशिक्षणमा पर्न सफल होङ्गान्जी न्यु डायमन्ड स्पोर्ट्स क्लबकी युवा उदियमान स्पाइकर रिया कुँवरको घुँडाको शल्यक्रिया सफल भएको छ । प्रशिक्षणका क्रममा बायाँ घुँडाको एन्टेरिएर क्रुसिएट लिगामेन्ट (एसीएल) च्यातिएपछि १५ वर्षीया रियाको शल्यक्रिया गर्नुपरेको हो । डाक्टर भद्र हमालको नेतृत्वमा रहेको टोलीले सोमबार ट्रमा सेन्टरमा झन्डै […]

38 views

0 Bookmark

काठमाडौं (हाम्रो खेलकुद) – नेपाली महिला राष्ट्रिय भलिबल टोलीको बन्द प्रशिक्षणमा पर्न सफल होङ्गान्जी न्यु डायमन्ड स्पोर्ट्स क्लबकी युवा उदियमान स्पाइकर रिया कुँवरको घुँडाको शल्यक्रिया सफल भएको छ ।

प्रशिक्षणका क्रममा बायाँ घुँडाको एन्टेरिएर क्रुसिएट लिगामेन्ट (एसीएल) च्यातिएपछि १५ वर्षीया रियाको शल्यक्रिया गर्नुपरेको हो । डाक्टर भद्र हमालको नेतृत्वमा रहेको टोलीले सोमबार ट्रमा सेन्टरमा झन्डै दुई घन्टा लगाएर उनको शल्यक्रिया गरेको हो ।

‘शल्यक्रिया राम्रो भएको छ । उनको लिगामेन्टको विशेष गरी मिनिस्कस जाली च्यातिएको हो । भोलिदेखि नै फिजियो सुरु गर्नेछौं । राम्रो फिजियो भएको अवस्थामा उनलाई खेलमा फर्कन कम्तीमा पनि ९ महिना लाग्नेछ,’ डाक्टर हमालले हाम्रो खेलकुदसँग भने ।

‘अस्पतालको निर्देशन अनुसार हामी तत्कालका लागि यही ट्रमा सेन्टरमा नै उनको फिजियो गराउनेछौं । अस्पतालमा फिजियोको टोली राम्रो रहेको छ । फिजियो राम्रो भएको अवस्थामा उनी आफ्नो पुरानो खेलम फर्किने सम्भावना छ ।’

शल्यक्रियासँगै उनी झन्डै ६ देखि ९ महिना मैदान बाहिर रहनेछिन् । यो सँगै रियाले घरेलु भलिबलमा आउदो १० असोजदेखि शुरु हुने छैटौं संस्करण एनभिए महिला तथा पुरुष क्लब च्याम्पियनसिपसँगै अन्य प्रतियोगिताहरु गुमाउनेछिन् ।

१० असोजदेखि सुरु हुने एनभिए क्लब च्याम्पियनसिपकै प्रशिक्षण दौरान न्यु डायमन्डको आफ्नै कोर्टमा रियाले स्पाइकका लागि जम्प गर्ने प्रयास गर्दा दुखाई महसुस गर्दै दुई साताअघि घुडाँमा सामान्य चोट बोक्न पुगेकी थिइन् । त्यसपछि उनलाई क्लबको मेडिकल पार्टनर अर्थाेप्लास्टमा लगिएको थियो । त्यहाँ फिजियोसँग केहि समय रिह्याब गरेपछि फिट भएपछि उनी पुन प्रशिक्षणमा फर्किएकी थिइन् । पुनः दुखाई महसुस गरेपछि राष्ट्रिय ट्रमा सेन्टरमा एमआरआई गरिएको थियो ।

एमआरआई परिक्षणमा उनको घुडाँको एसिएल (एन्टेरिएर क्रुसिएट लिगामेन्ट) च्यातिएको र शल्यक्रिया नै गर्नुपर्ने भएको हो ।
पछिल्लो समय रियालाई नेपाली भलिबलमा योगदान दिन सक्ने खेलाडीको रुपमा हेरिएको छ । १५ वर्षीय रियाले एसियन महिला भलिबल च्याम्पियनसिपको लागि नेपाल भलिबल संघले छनोट गरेको ३० सदस्यीय टोली हुदै १८ सदस्यीय टोलीमा स्थान बनाउन सफल भएकी थिइन् ।

नेपाल भलिबल संघले रियाको उपचारको लागि राष्ट्रिय खेलकुद परिषद (राखेप) सँग समन्वय गरेपछि ट्रमा सेन्टरमा उनको शल्यक्रियाको व्यवस्था भएको हो ।

March 28, 2024

राजस्थानको लगातार दोस्रो जित

एजेन्सी – दिल्ली क्यापिटल्स माथि जित दर्ता गर्दै राजस्थान रोयल्सले १७औं संस्करणको इंडियन प्रिमियर लिग (आईपिएल) मा लगातार दोस्रो जित दर्ता गरेको छ । दिल्लीलाई लगातार दोस्रो हार चखाउने क्रममा राजस्थानले १२ रनको जित दर्ता गरेको हो । १८६ रनको लक्ष्य पछ्याएको दिल्लीले २० ओभरमा ५ विकेट गुमाएर १८५ रन मात्र बनाउन सक्यो । अन्तिम […]

March 28, 2024

सिइसी र धनगढी विजयी

सुमन अधिकारी,बुटवल नेपालका पूर्व अन्तराष्ट्रिय क्रिकेट खेलाडी शक्ति प्रसाद गौचनले बुबाको नामबाट आयोजना रुपन्देहीमा जारी छैंटौं खड्ग प्रसाद गौचन मेमोरियल यु—१९ क्रिकेट प्रतियोगिता–२०८० मा बिहीबार समुह बिका २ खेल सम्पन्न भएका छन् । जसमा पल्सर क्रिकेट एक्सलेन्स सेन्टर (सिइसी) , काठमाण्डौ र धनगढी क्रिकेट क्लब विजयी भएका छन् । पहिलो खेलमा पल्सर सिइसी काठमाण्डौले सेन्टर […]

March 28, 2024

सुष्मा सेमिफाइनलमा

काठमाडौं (हाम्रो खेलकुद)- लुम्बिनी प्रदेशकी सुष्मा तामाङ र कर्णाली प्रदेशकी अस्मिता दुवाल छैटौं वीर गणेशमान सिंह राष्ट्रिय बक्सिङ प्रतियोगितामा सेमिफाइनलमा प्रवेश गरेका छन् । त्रिपुरेश्वरस्थित राष्ट्रिय खेलकुद परिषद्को कभर्डहलमा जारी प्रतियोगितामा बिहिबार महिला ५० केजीमा सुष्माले मधेश प्रदेशकी मनीषा राई तथा अस्मिताले एपीएफकी सन्जुमाया थिङलाई पराजित गर्दै अन्तिम चारको यात्रा तय गरे । महिला ५४ […]

Success

Thank you for your time.