काठमाडौं (हाम्रो खेलकुद) – कतार एयरवेज सहिद स्मारक ‘ए’ डिभिजन लिगको पहिलो राउन्डको खेलमा आज (आइतबार) दुई खेलमा प्रतिस्पर्धा हुँदैछ । दुवै खेल त्रिपुरेश्वस्थित दशरथ रंगशालामा हुनेछ ।

दिनको पहिलो खेलमा ब्रिगेड ब्वाइज क्लब (बीबीसी र एपिएफ फुटबल क्लबबीच खेल हुदैछ । खेल दिउँसो १ बजेपछि हुनेछ । दुवै टोली मैदान उत्रदा अंक नगुमाउने योजनामा हुनेछ । दुवै टोलीको लक्ष्य रेलिगेसन बचाउने रहेको छ ।

अनिल गुरुङको कप्तानीमा उत्रने बीबीसीसँग शिशिर लेखी, ड्याडी जुनियर वाम्वा, रोशन रानामगर, विशाल बस्नेत, रपन्दप पौडेल, मनोज राई, एन्जल महर्जन, रजत तिवारी, इवोट बर्टान्ड र रुडी रहेका छन् ।

यता एपिएफ पनि बीबीसीलाई हराउँदै लिगमा सुखद् सुरुवात गर्ने योजनामा हुनेछ । युवा खेलाडीले भरिपुर्ण एपिएफसँग नवीन लामा, टोप बहादुर विष्ट, सुदिप शिख्रकारलगयतको खेलाडीको साथ रहेको छ ।

दिनको दोस्रो खेलमा जावलाखेल युथ क्लब र मनाङ–मस्र्याङ्दी क्लबबीच प्रतिस्पर्धा हुनेछ । खेल दिउँसो ४ः४५ बजपछि हुनेछ । जावलाखेल बलियो मनाङलाई रोक्दै अंक खोस्ने लक्ष्यमा हुनेछ । जावलाखेलसँग सुरज ज्यु ठकुरी, रुप बहादुर लामा, फ्लोरेन्ट कोरा र अमिर श्रेष्ठलगायतको खेलाडीको साथ रहेको छ ।

यता, अन्जन विष्टको कप्तानीमा मैदान उत्रने मनाङसँग ओलावाले ओलाडिपो अफिज, दिनेश राजवंशी, विमल राना, आदित्य चौधरी, दयानन्द सिंह, एडिलाजा सोमेडे, पुजन उपरकोटी, विश्व अधिकारी, दीपक राई, नितिन थापा, फ्रान्कलिन कुटे टाला, प्रवेश दनुवार र विशाल सुनारको साथ रहेको छ ।

पहिलो राउन्डको तीन खेल सकिदा थ्री स्टारले मात्रै जित निकाल्न सफल भएको छ । थ्री स्टारले च्यासल युथ क्लबलाई शनिबार ३–० ले पराजित गरेको थियो । त्यसअघि हिमालयन शेर्पा र संकटाले १–१ गोलको बराबरी खेल्दा सातदोबाटो र फ्रेन्ड्सले गोलरहित बराबरी खेल्दै अंक बाँडेका थिए ।

लिगमा १४ टोलीको सहभागिता रहेको छ । दुई टोली दोस्रो डिभिजनमा घटुवा हुनेछ । लिगको विजेताले ७५ तथा उपविजेताले ५० लाख रुपैयाँ प्राप्त गर्नेछन् । तेस्रो हुनेले २५ लाख पाउने छन् । हरेक खेलको विजेताले ५० हजार पाउनेछन् । खेल बराबरीमा सकिए दुबै टोलीले २५–२५ हजार पाउने छन् ।

२०५२ देखिको लिगमा ५ विधामा पुरस्कार दिदै आएको यसपटक व्यक्तिगत विधा भन्दा उत्कृष्ट गोलरक्षकलाई गोल्डेन ग्लोभ्स र २ लाख, गोल्डेन बुट (सर्वाधिक गोलकर्ता) मोस्ट भ्यालुएवललाई ३ लाख र राइजिङ प्लेयरलाई १ लाख ५० हजार रुपैयाँ प्रदान गरिने छ ।