धनगढी (हाम्रो खेलकुद)– सुदूरपश्चिम ११ ले शुभश्री प्यालेस फारवेष्ट पशुपति कप फुटबल प्रतियोगिताकञो उपाधि जितेको छ । आयोजक फारवेष्ट पशुपति क्लबलाई शनिबार ३(२ ले हराउँदै सुदूरपश्चिमले उपाधिसहित सूदुरपश्चिमाञ्चल क्षेत्रकै सर्वाधिक दुई लाख नगद हात पारेको हो । सुदूरपञ्चिमका लागि विनोद केसीले निर्णायक गोल गरेका थिए । फारवेस्टले १० खेलाडीमा सिमित रहँदै खेलको अन्त्य गरेको थियो ।
धनगढी रंगशालामा दश हजार भन्दा बढी दर्शकको उपस्थिति रहेको फाइनलमा मणिराम चौधरीको गोलमा फारवेष्टले ११ औं मिनेटमा अग्रता लिएको थियो । ३३ औं मिनेटमा जीवन चौधरीले सुदुरपश्चिमलाई बराबरी गोल गरे । फारवेस्ट पहिलो हाफमै १० खेलाडीमा सिमित भएको थियो । मणिरामले पहिलो हाफमै दोहोरो पहेलो कार्ड पाएपछि मैदान छोडेपछि फारवेस्ट दस खेलाडीमा सिमित भएको थियो । एक खेलाडी कम भएको फाइदा उठाउँदै विनोदले सुदूरपश्चिमका लागि ६५ औं मिनेटमा गोल गरे । तर, ८१ ओं मिनेटमा फारवेस्टका जिम्मीले बराबरी गोल गर्दै खेललाई रोमाञ्चक बनाएका थिए । तर खेल सकिन ३ मिनेट बाँकी रहँदा विनोले अर्को गोल थपे र टोलीलाई जित दिलाए । विनोद फाइनलको म्यान अफ द म्याच बनेका थिए ।
सुदूरपश्चिमका रामसिंह राना प्रतियोगिताका उत्कृष्ट खेलाडी , शसस्त्र प्रहली बलका भीम विक उत्कृष्टकिपर भएपनि ६ गोल गरेका फारवेस्ट मणिराम सार्वाधिक गोलकर्ता बने । उत्कृष्ट तीनजनाले समान १० हजार रुपैयाँ पाए ।
आयोजक क्लबका अध्यक्ष खेम रावतको अध्यक्षतामा भएको समापन अवसरमा नेपाल प्रहरीका सुदुरपश्चिम क्षेत्रका डिआईजी विजयराज भट्ट, कैलाली जिल्ला खेलकुद विकास समितीका अध्यक्ष दिपक सिंह लगायतले विजेता उपविजेता टोलीका खेलाडीलार्य पुरस्कृत गरे । आयोजकले अर्को बर्ष पुरस्कार राशीमा बृद्धि गरिने जनाएको छ ।
