बिश्व कप अनुभवी खेलाडी काजुयुकी टोडा नेपाली खेलाडिहरुको टिम वर्क देखी प्रभावित भएका छन । नेपाल र फ्रेण्ड्स अफ जापान बिचको च्यारिटी खेल पछी पत्रकार सम्मेलनमा उनले एक पत्रकारको प्रश्नको उत्तर दिदै नेपाली खेलाडी हरुको टिम वर्कको तारिफ गरेका हुन ।

‘नेपाली टोलिको बलियो र कमजोर पक्ष्य कुन लागयो ‘ ? भन्ने प्रश्नको उत्तर दिदै टोडाले उक्त प्रतिकृया दिएका हुन ।

टोडाले नेपालको बलियो पक्ष्य भनेको टिम वर्क र स्पिड रहेको बताए । उनि नेपाली खेलाडिमा क्षमता रहेको र ‘टेक्निकल’ रुपमा पनि नेपाल राम्रो रहेको बताए ।

त्यस्तै नेपालले ‘म्यान मार्किङ’ गर्दा मेहनत गर्नु पर्ने कुरा पनि २००२ बिश्व कप खेलाडी टोडा काजुयुकिले बताए । ‘ आफु नजिक बल हुँदा नेपाली डिफेन्सले राम्रो डिफेन्ड गरे तर म्यान मार्किङमा नेपाल कमजोर देखियो । ‘ , टोडाले भने ।

तश्बिर – एन्फा

नेपाली खेलाडिहरुले राम्रो प्रशिक्षक पाएका छन त्यसैले निश्चित रुपले त्यो कुरामा नेपाली खेलाडिहरुले सुधार गर्ने कुरा उनले बताए । फ्रेन्डस अफ जापानको खेलाडी र प्रशिक्षकको रुपमा नेपाल आएका काजुयुकिले आफुले सामान्य घुडाको चोटको कारण नखेलेको बताए ।

“वार्म अप गर्दा घुडाको दुखाइका कारण मैले सुरुमा खेलिन । तर अन्त्यमा केहि समय खेल्ने सोचे पनि खेलको तीव्रता बडेको थियो । दुबै खेलाडी खेल जित्ने प्रयासमा थिए, त्यसैले चोटको डरले गर्दा मैले खेलिन । “, निकै हास्य रुपमा आफुलाई प्रस्तुत गर्दै टोडाले जनाए ।