काठमाडौं (हाम्रो खेलकुद) – मनाङ–मर्स्याङ्दी क्लब र रुस्लान थ्री स्टार क्लबबीचको कतार एअरवेज सहिद स्मारक ‘ए’ डिभिजन लिग अन्तरगतको खेलको पहिलो हाफ बराबरीमा सकिएको छ । पहिलो हाफ गोलरहित बराबरीमा सकिएको हो ।
त्रिपुरेश्वरस्थित दशरथ रंगशालामा शनिबार भएको खेलमा दुवै टोलीले गोलका अवसर सिर्जना गरेपनि गाल गर्न सकिरहेका छैनन् । खेलको दोस्रो मिनेटमा अन्जन विष्टको फ्रिकिकलाई थ्री स्टारका गोलरक्षक प्रिसोले सहजै बचाए ।
आठौं मिनेटमा रुपेश केसीको प्रहार पोस्ट नजिकैबाट थोरै बाहिरियो । १६औं मिनेटमा हेमन्त थापामगरको पासमा अन्सुमाना क्रोमाहको पेनाल्टी बक्सबाहिरको प्रहार दोस्रो बार च्याप्दै थोरै बाहिरियो ।
२८औं मिनेटमा आयुष घलानको क्रसलाई मनाङका गोलरक्षक अशोक बरालले पञ्च गर्दे बचाए । ३२औं मिनेटमा हेमन्तको क्रसमा सन्जोक राई चुके । ४१औं मिनेटमा ओलावाले ओलाडिपो अफिजले सुवर्ण अवसर पाएपनि उनको प्रहार दोस्रो बार च्याप्दै थोरै बाहिरिदा मनाङ अग्रता लिनबाट चुक्यो ।
