काठमाडौं (हाम्रो खेलकुद)– घरेलु फुटबलका चर्चित केहि खेलाडी नेपाल सुपर लिग –एनएसएल) का को दोस्रो संस्करणका लागि अनसोल्ड भएका छन् । मछिन्द्र फुटबल क्लबका फरवार्ड अभिषेक रिजाल पनि अनसोल्ड भएका छन् । एनएसएलका लागि शुक्रबार भएको अक्सनमा सहभागी १० टोलीले नै उनीलाई खरिद गर्ने चासो देखाएनन् ।

राष्ट्रिय टोलीबाट पनि खेलिसकेका अभिषक आइ लिग टोलीमा पनि विगतमा आबद्ध भएका थिए । तर पछिल्लो केहि वर्षदेखि भने उनी घरेलु फुटबलमा पनि प्रभाव जमाउन असफल हुँदै आएका छन् । ए क्याटागोरीमा रहेका भरतको न्युनत्तम मुल्य १ लाख ५० हजार रुपैयाँ रहेको छ ।
त्रिभुवन आर्मी क्लबका कप्तान भरत खवास, फरवार्ड नवयुग श्रेष्ठ , थ्री स्टार क्लबका कप्तान विक्रम लामा पनि एनएसएलमा अनसोल्ड भएका छन् ।

नेपाल स्पोर्टस् एण्ड इभेन्ट म्यानेजमेन्ट (एनएसइएम)को आयोजनामा चैत २६ गतेबाट हुने एनएसएलको दोस्रो संस्करणमा ३ नयाँ टोली थपेपछि कुल १० टोलीबीच प्रतिस्पर्धा हुनेछ । अक्सनमा ३ क्याटागोरीमा २ सय ४२ खेलाडी समावेश छन् ।

एनएसएलमा धनगढीसहित विराटनगर सिटी फुटबल क्लब, काठमाडौं रेजर्स, ललितपुर सिटी एफसी, एफसी चितवन, पोखरा थण्डर्स, बुटवल लुम्बिनी एफसी र तीन नयाँ टोली झापा एफसी, वीरगञ्ज युनाइटेड र स्पोर्टिङ इलाम डि मेची रहेका छन् । यसपटक एनएसएल पोखरा र काठमाडौंमा हुने भनिएको छ ।