default_image

2 years ago

March 24, 2022

नयाँवस्तीमाथि चर्च ब्वाइजको पूनरागमन जित

203 views

0 Bookmark

काठमाडौं (हाम्रो खेलकुद) – खेलमा दुईपटक पछि परेको स्थिति उल्ट्याएर सहिद स्मारक ‘बी’ डिभिजन लिगको शीर्षस्थानमा रहेको चर्च ब्वाइज युनाइटेडले दोस्रो स्थानमा रहेको नयाँवस्ती युथ क्लबमाथि रोमाञ्चक पूनरागमन जित निकालेको छ ।

चर्च ब्वाइजले नयाँवस्तमाथि ३–२ को रोमाञ्चक पूनरागमन जित निकालेको हो । सातदोबाटोस्थित एन्फा कम्प्लेक्सको खेल मैदानमा बिहीबार भएको खेलमा चर्च ब्वाइजको जितमा सनम भुजेल, आशिष चापागाई र सनम राईले गोल गरे । नयाँवस्तीका अभय धिमाल र रमेश तामाङले गोल गरे ।

खेलको आठौं मिनेटमा अभय धिमालले गोल गर्दै नयाँवस्तीलाई १–० को अग्रता दिलाए । ११औं मिनेटमा सनम भुजेलले गोल गर्दै खेललाई १–१ गोलको बराबरीमा ल्याए । ३४औं मिनेटमा रमेश तामाङले पेनाल्टीमा गोल गर्दै नयावस्तीलाई पुनः २–१ को अग्रता दिलाए । पहिलो हाफको इन्ज्युरी समयको थप गरिएको चौथो मिनेटमा आशिष चापागाईले गोल गर्दै खेललाई २–२ गोलको बराबरीमा ल्याए । ७१औं मिनेटमा सनम राईले गोल गर्दै चर्च ब्वाइजलाई ३–२ को पूनरागमन जित दिलाए ।

यो जितसँगै शीर्षस्थानमा रहेको चर्च ब्वाइजले शीर्षस्थानमा ४ अंकको स्पष्ट अग्रता बनाएको छ । चर्च ब्वाइजको ८ खेलबाट १७ अंक पुगेको छ । समान खेलबाटै दोस्रो स्थानमा रहेको नयाँवस्ती र श्री भगवती टोखाको १३ अंक छ ।

लिगकै अर्काे खेलमा रानी पोखरी कर्नर टिम (आरसिटी) ले सामाजिक युथ क्लबलाई ३–० को पराजित गरेको छ । आरसिटीको जितमा प्रज्वल गुरुङले दुई तथा विश्वास थापा मगरले एक गोल गरे । सबै तीन गोल पहिलो हाफमा भएको थियो । खेलको पाँचौ मिनेटमा विश्वास थापा मगरले गोल गर्दै आरसिटीलाई सुरुवाती अग्रता दिलाए ।

२०औं मिनेटमा प्रज्वल गुरुङले गोल गर्दै आरसिटीको अग्रता दोब्बर पारे । २४औं मिनेटमा प्रज्वल गुरुङले व्यक्तिगत दोस्रो तथा टोलीका लागि तेस्रो गोल गर्दै आरसिटीलाई सहज जिततर्फ अघि बढाए । त्यसपछि थप गोल निस्कन नसक्दा खेल आरसिटीले आफ्नो पक्षमा पार्न सफल भयो ।
यो जितसँगै आरसिटी ८ खेलबाट १२ अंक जोडेर चौथो स्थानमा उक्लिएको छ । समान १२ अंक रहेपनि सरस्वती युथ क्लब गोल अन्तरमा पछि छ । पराजित सामाजिक ८ खेलबाट ७ अंक जोडेर १२औं स्थानमा रहेको छ ।

लिगकै अर्काे खेलमा श्री कुमारी क्लबले खुमलटार युथ क्लबलाई १–० ले पराजित गरेको छ । श्री कुमारीको जितमा खेलको अन्तिम समयमा सृजन राज गौतमले गरेको गोल नै निर्णायक बन्यो । उनले इन्ज्युरी समयको थप गरिएको चौथो मिनेटमा गोल गर्न सफल भएका थिए ।

यो जितसँगै श्री कुमारीले लिगमा पहिलो जित निकालेको छ । लगातार ७ बराबरी खेलेको श्री कुमारीले आठौं खेलमा जित निकालेको हो । जितसँगै श्री कुमारीको ८ खेलबाट १० अंक पुगेको छ । पराजित खुमलटारको ८ खेलबाट ९ अंक छ ।

June 26, 2024

फ्रान्स पोल्याण्डसँग इनबराबरीमा रोकियो

एजेन्सी – युरो कप २०२४ को समूह चरणको अन्तिम खेलमा फ्रान्स पोल्याण्डसँग बराबरीमा रोकिएको छ । पोल्याण्ड विरुद्ध १-१ को बराबरी खेलेसँगै फ्रान्सले समूह विजेता बन्ने मौका गुमाएको छ । गोलका लागि निकै संघर्ष गर्नु परेको खेलमा फ्रान्सले ५६औं मिनेटमा पेनाल्टी मार्फत अग्रता लिएको थियो । उसमान डेम्बेले माथि भएको फाउल पछि पाएको पेनाल्टीमा चोट […]

June 26, 2024

फ्रान्स र नेदरल्याण्ड्स रहेको समूहमा अष्ट्रिया विजेता

एजेन्सी – फ्रान्स र नेदरल्याण्ड्स भन्दा अघि रहँदै अष्ट्रियाले युरो कप २०२४ समूह डि मा शीर्ष स्थान हासिल गरेको छ । समूह चरणको अन्तिम खेलमा नेदरल्याण्ड्स माथि ३-२ को रोमाञ्चक जित हात पार्दै समूह विजेताका रुपमा अष्ट्रिया अन्तिम १६ मा प्रवेश गरेको हो । ३ खेलमा २ जित हासिल गरेको अष्ट्रियाको ६ अंक रह्यो । […]

June 25, 2024

अर्जेन्टिना चिली विरुद्ध खेल्दै

एजेन्सी – साविक विजेता अर्जेन्टिनाले कोपा अमेरिका २०२४ को दोस्रो खेलमा चिली विरुद्ध खेल्दैछ । खेल नेपाली समय अनुसार बुधबार बिहान ६:४५ बजे न्यू जर्सीमा सुरु हुनेछ । अर्जेन्टिनाले पहिलो खेलमा क्यानडा विरुद्ध २-० को जित हात पारेको थियो । पहिलो खेलमा अर्जेन्टिना खेलमा हावि भएपनि सोचेअनुरूप प्रदर्शन भने रहेको थिएन । अर्जेन्टिनाले थुप्रै अवसरहरू […]

Success

Thank you for your time.