इङ्ल्यान्ड (अजेन्सि) – चेल्सिसङको खेलमा रातो कार्ड पाएर मैदान बाहिर पठाइएका म्यान्चेस्टर सिटिका फर्वर्ड सर्जियो अग्वेरोलाई ४ खेल प्रतिबन्धित गरिएको छ । चेल्सिका डिफेन्डर डेभिड लुइजलाई घुडामाथी ट्याकल गर्दा अर्जेन्टिनी स्ट्राइकरलाई सोझै रातो कार्ड देखाइएको थियो ।
त्यस्तै चेल्सिको फेब्रेग्रासमाथी आक्रोस पोखेका फर्नान्डिन्होलाई पनि ३ खेल प्रतिबन्ध लगाइएको छ ।
प्रीमियर लिगको खेलमा १-० को नतिजलाई उल्टाउदै चेल्सिले म्यान्चेस्टर सिटी बिरुद्ध ३-१ को जित निकाल्दै अंक तालिकमा पहिलो स्थानमा आफ्नो ठाउँ कायम राखेको थियो ।
