default_image

2 years ago

April 8, 2022

चर्च ब्वाइज, श्री भगवती र बाँसबारीको सुखद अन्त्य

112 views

0 Bookmark

काठमाडौं (हाम्रो खेलकुद) – सहिद स्मारक ‘बी’ डिभिजन लिगको च्याम्पियन बनिसकेको चर्च ब्वाइज युनाईटेड, श्री भगवती क्लब टोखा र बाँसबारी क्लबले आफ्नो अन्तिम खेलमा जित निकाल्दै सुखद् अन्त्य गरेका छन् ।

सातदोबाटोस्थित एन्फा कम्प्लेक्समा शुक्रबार भएको खेलमा चर्च ब्वाइजले सरस्वती युथ क्लबलाई २–१ ले पराजित गर्दै लिगको सुखद अन्त्य गरेको हो । चर्च ब्वाइजको जितमा विकास राई र आशिष चौधरीले गोल गरे । सरस्वतीका सनम धिमालले एक गोल फर्काए ।

खेलको २४औं मिनेटमा विकास राईको गोलबाट १–० को गोलबाट लियो । ४६औं मिनेटमा सनम धिमालले गोल गर्दै सरस्वतीलाई १–१ गोलको बराबरीमा ल्याए । ६६औं मिनेटमा आशिष चौधरीले गोल गर्दै चर्चलाई २–१ को जित दिलाए ।

यस जितसँगै च्याम्पियन चर्च ब्वाइजले सिजनको सुखद अन्त्य गरेको छ । चर्च ब्वाइजले एक खेल अगावै लिग च्याम्यिन बन्दै ‘ए’ डिभिजनमा प्रवेश गरिसकेको छ ।

चर्च ब्वाइजले लिगको १३ खेलमा २९ अंक जोड्यो । उसले ९ खेल जित निकाल्दा समान दुई खेलमा जित र हारको नतिजा निकाल्यो । सरस्वतीले १३ खेलमा १७ अंक जोड्यो ।

यस्तै श्री भगवती क्लब टोखाले वीरगन्ज युनाईटेडलाई २–० ले पराजित गरेको छ । श्री भगवतीको जितमा दुवै गोल अनुज भण्डारीको नाममा रह्यो ।

४८औं मिनेटमा अनुज भण्डारीले गोल गर्दै श्री भगवतीलाई सुरुआती अग्रता दिलाएका थिए । ८२औं मिनेटमा अनुजले व्यक्तिगत र टोलीका लागि दोस्रो गोल गर्दै श्री भगवतीलाई २–० को जित दिलाए । यस जितसँगै श्री भगवतीले १३ खेलमा १८ अंक जोड्यो । वीरगन्जले १३ खेलमा १६ अंक जोड्यो ।

लिगकै अर्काे खेलमा बाँसबारी क्लबले रेलिगेसनमा परिसकेको झम्सिखेल युथ क्लबलाई २–१ ले पराजित गर्दै लिग सकाएको छ । ५४औं मिनेटमा भिष्मराज घिमिरेले गोल गर्दै बाँसबारीलाई सुरुआती अग्रता दिलाए ।

६१औं मिनेटमा बिकी राईले गोल गर्दै बाँसबारीको अग्रता दोब्बर बनाए । ७९औं मिनेटमा सुभराज गोलेले गोल गरपनि झम्सिखेलको हार टरेन । बाँसबारीले १३ खेलमा १९ अंक जोड्यो । १३ खेलमा ९ अंक जोडेको झम्सिखेल पुछारमा रह्यो ।

June 26, 2024

बराबरीसँगै इंग्ल्यान्ड समूह विजेता, सर्बिया बाहिरियो

एजेन्सी – युरोपेली च्याम्पियनसिप २०२४ अन्तर्गत समूह सी अन्तर्गत अन्तिम चरणको दुवै खेल बराबरीमा सकिएको छ । जर्मनीको कोल्नमा इंग्ल्यान्ड र स्लोभेनियाको खेल गोलरहित बराबरीमा सकिँदा डेनमार्क र सर्बियाको खेलमा पनि गोल हुन सकेन । यससँगै इंग्ल्यान्ड ५ अंकका साथ समूह विजेताको रुपमा अन्तिम १६ मा अघि बढेको छ । डेनमार्क र स्लोभेनियाले पनि अन्तिम […]

June 26, 2024

फ्रान्स पोल्याण्डसँग इनबराबरीमा रोकियो

एजेन्सी – युरो कप २०२४ को समूह चरणको अन्तिम खेलमा फ्रान्स पोल्याण्डसँग बराबरीमा रोकिएको छ । पोल्याण्ड विरुद्ध १-१ को बराबरी खेलेसँगै फ्रान्सले समूह विजेता बन्ने मौका गुमाएको छ । गोलका लागि निकै संघर्ष गर्नु परेको खेलमा फ्रान्सले ५६औं मिनेटमा पेनाल्टी मार्फत अग्रता लिएको थियो । उसमान डेम्बेले माथि भएको फाउल पछि पाएको पेनाल्टीमा चोट […]

June 26, 2024

फ्रान्स र नेदरल्याण्ड्स रहेको समूहमा अष्ट्रिया विजेता

एजेन्सी – फ्रान्स र नेदरल्याण्ड्स भन्दा अघि रहँदै अष्ट्रियाले युरो कप २०२४ समूह डि मा शीर्ष स्थान हासिल गरेको छ । समूह चरणको अन्तिम खेलमा नेदरल्याण्ड्स माथि ३-२ को रोमाञ्चक जित हात पार्दै समूह विजेताका रुपमा अष्ट्रिया अन्तिम १६ मा प्रवेश गरेको हो । ३ खेलमा २ जित हासिल गरेको अष्ट्रियाको ६ अंक रह्यो । […]

Success

Thank you for your time.