काठमाडौं (हाम्रो खेलकुद) – आयोजक सेन्ट जेभियर गोदावरीको रातो र सेन्ट जेभियर, जावलाखेल २१ औं फादर मोरान स्मृती आमन्त्रण फुटबल प्रतियोगिता क्वार्टरफाइनलमा पुगेको छ । रातोले जेभियरक्रै पहेलोलाई ७ – ० ले हराएको थियो । रातोको जितमा सुप्रिम महर्जनले ह्याट्रिक गरे भने निश्चल महर्जन २, संस्कार कार्की र अरियन महर्जनले समान १ गोल गरे । रातोका सुप्रिम सिलवाल प्लेयर अफ दि म्याच घोषित भए ।

नेपाल टेलिकमको प्रायोजन रहेको प्रतियोगिताअन्तर्गत मंगलबार भएको अर्को खेलमा सेन्टजेभियर जावलाखेलले काभ्या स्कुल, नयाँ बानेश्वरलाई ३–० ले पराजित गर्दै क्वार्टरफाइनलमा पुगेको छ ।
गोदावरी एल्मुनाई एशोसियसनको सहयोगमा भएको प्रतियोगिताको अर्को खेलमा क्रिसेन्ट एकेडेमी र विद्या संस्कार उच्च मा.वि.ले २–२ को बराबरी खेले । बराबरीपछि दुवै टोली अन्तिम आठमा पुगेका छन् । क्रिसेन्टका विपिन सिल्वाल र मोहित थापाले गोल गरे । यस्तै विद्या संस्कारका लागि प्रयत्न थापा र माहेक लामिछानेले गोल गरे । क्रिसेन्टका मोहित तामाङ्ग प्लेयर अफ दि म्याच घोषित भए ।
बिहीबार हुने क्वाटरफाइनलमा नेपाल डनबस्को स्कुल र डल्फिन इङ्लिसबीच, सेन्ट जेभियर जावलाखेल र विद्या संस्कारबीच, सेन्ट जेभियर गोदावरी र रातोले नेपाल एपिएफ स्कुलबीच तथा कीर्तिपुर क्रिसेन्ट र एनके सिंह मेमोरियलबीच प्रतिपस्र्धा हुनेछ ।