काठमाडौं (हाम्रो खेलकुद)– १३ औं दक्षिण एसियाली खेलकुद (साग) की दोहोरो स्वर्ण पदक विजेता आयशा शाक्यसहित खेलाडी, खेलकर्मी विभूषित भएका छ । गत वर्ष असोज ३ गते संविधान दिवसका अवसरमा घोषणा गरिएको विभूषण बिहीबार राष्ट्रपति विद्यादेवी भण्डारीले शितलनिवासमा आयोजित कार्यक्रममा प्रदान गरेकी थिइन् ।

आयशासँगै कोरियाली तेक्वान्दो प्रशिक्षक क्वन योङ दाल, नेपाल क्रिकेट संघ (क्यान) का अध्यक्ष चतुरबहादुर चन्द, पारा क्रिकेट र बास्केबल खेलाडी हिमालय आर्याल र शेरबहादुर खड्का स्मृति प्रतिष्ठानलाई जनसेवा श्री पन्चम विभूषण प्रदान गरिएको थियो । राष्ट्रिय फुटबल टोलीका कप्तान किरण चेम्जोङ, राष्ट्रिय क्रिकेट टोलीका पूर्व कप्तान ज्ञानेन्द्र मल्ललाई प्रबल जनसेवा श्री प्रदान गरिएको थियो ।

राष्ट्रपतिबाट संविधान दिवसका अवसरमा राष्ट्रको हितमा विभिन्न क्षेत्रबाट योगदान दिएका व्यक्तित्वलाई विभूषित गर्ने प्रचलन रहेको छ । यसपटक ९ सय ३ जना विभूषित हुँदा झन्डै डेढ दर्जन खेलकर्मीको नाम पनि सुचिमा रहेका थिए । तेक्वान्दोकै लक्ष्मण बहादुर ऐर नेपाल प्रताप आभूषण प्राप्त गरेका थिए ।

तथा प्रबल जनसेवाश्री १३ औं सागकी स्वर्ण पदक विजेतक करातेकी अनु लामा, तेक्वान्दो खेलाडी संगिता बस्याल, कराते खेलाडी लक्ष्मण तामाङ, तेक्वान्दो प्रशिक्षक नर्वु लामा, व्याडमिन्टनका अन्तर्राष्ट्रि अम्पायर दीपक थापा र खेल सामाग्री कम्पनी केल्मीका नेपालको आधिकारिक विक्रेता केल्मी नेपालका प्रबन्ध निर्देशक उत्तम न्यापानेलेर्ला सुकीर्ति पदक दिने घोषणा भएको थियो ।

प्रबल जनसेवाश्री

किरण चेम्जोङ – फुटबल खेलाडी

ज्ञानेन्द्र मल्ल – क्रिकेट खेलाडी

जनसेवाश्री

आयशा शाक्य – तेक्वान्दो खेलाडी

क्वन योङ दाल – तेक्वान्दो प्रशिक्षक

चतुरबहादुर चन्द – अध्यक्ष – नेपाल क्रिकेट संघ

हिमाल अर्याल – पारा क्रिकेट र बास्केटबल खेलाडी

शव थापा – पारा टेबल टेनिस खेलाडी

शेरवहादुर खड्का स्मृति प्रतिष्ठान – राष्ट्रिय खेल महिला भलिबलको विकास र विस्तारमा पुर्याएको योगदान

नेपाल प्रताप आभूषण

लक्ष्मण बहादुर ऐर – तेक्वान्दो खेलाडी तथा प्रशिक्षक

सुकीर्ति पदक

अनु अधिकारी – कराते खेलाडी

दीपक थापा – ब्याडमिन्टन पुर्व खेलाडी तथा अम्पायर

नर्वु लामा – तेक्वान्दो प्रशिक्षक

उत्तम न्यौपाने – खेल सामग्री केल्मीका प्रबन्ध निर्देशक

जुनि राई – उसु खेलाडी

संगीता बस्याल – तेक्वान्दो खेलाडी

लक्ष्मण तामाङ – कराते