काठमाडौं (हाम्रो खेलुकद)– रुस्लान थ्री स्टारले एएफसी कप प्ले अफ खेल्न नपाउनुमा आफ्नो कमजोरी भइसकेको स्वीकार गरिसकेको अखिल नेपाल फुटबल संघ (एन्फा) ले घटनालाई मथ्थर पार्ने प्रयास स्वरुप छानविन कमिटी गठन गरेको छ ।
एन्फाको शुक्रबार बसकेको कार्यसमिति बैठकले थ्री स्टारका विषयमा कसको गल्ति भएको हो भन्ने छानविन गर्न सोही बैठकले एन्फा उपाध्यक्ष मनोनित भएका वीरबहादुर खड्काको संयोजकत्वमा तीन सदस्य समिति गठन गरेको छ । समितिमा एन्फा सदस्य रमेश रायमाझी र एन्फाका विकास निर्देशक सञ्जिव मिश्र सदस्य छन् । समितिले १५ दिन भित्र छानविन गरि प्रतिवेदन बुझाउने एन्फाले प्रेस विज्ञप्तीमार्फत जनाएको छ ।
एएफसीले पटक पटक ताकेता गर्दा पनि एन्फाले कुनै जवाफ नपठाएपछि थ्री स्टारले एएफसी कप प्ले अफ खेल्नबाट बञ्चित भएको थियो ।
