काठमाडौं (हाम्रो खेलकुद) – मलेसिया जारी टुवान याङ टेरुतमा (टीवाईटी) कपमा नेपालको ‘ए’ डिभिजन क्लब न्युरोड टिम (एनआरटी) ले आफ्नो दोस्रो खेलमा पनि फराकिलो हार बेहोरेको छ ।

एनआरटी मलेसियाको सुपर लिग क्लब पेनाङ एफसीसँग ५–० ले पराजित भएको हो । पहिलो हाफमा २–० ले पछि रहेको एनआरटीले दोस्रो हाफमा थप तीन गोल खाएको थियो ।

पेनाङको फराकिलो जितमा लुकास सिल्भाले ह्याट्रिकसहित चार गोल गरे । एक गोल सराभानको नाममा रह्यो । बलियो पेनाङलाई एनआरटीले पहिलो हाफमा ४३ मिनेटसम्म मात्रै रोक्न सफल भयो । लुकास सिल्भाले गोल गर्दै पेनाङलाई सुरुवाती अग्रता दिलाए । पहिलो हाफको इन्ज्युरी समयको थप गरिएको दोस्रो मिनेटमा सराभानले गोल गर्दै पेनाङलाई पहिलो हाफमा २–० को अअग्रता दिलाए ।

६८अऔं मिनेटमा लुकास सिल्भाले व्यक्तिगत दोस्रो र टोलीका लागि तेस्रो गोल गरे । ८०औं मिनेटमा सिल्भाले अर्काे गोल थप्दै ह्याट्रिक पुरा गर्दा एनआरटी ४–० ले पछि प¥यो । इन्ज्युरी समयको थप गरिएको चौथो मिनेटमा सिल्भाले व्यक्तिगत चौथो तथा टोलीका लागि पाँचौ गोल गर्दै टोलीलाई फराकिलो जित दिलाए ।

यसअघि एनअआरटी पहिलो खेलमा इन्डोनेसियाको लिग टु क्लब कारो एफसीसँग ५–१ को फराकिलो अअन्तरले पराजित भएको थियो ।

पेनाङ शहरका प्रमुख मिस्टर याङले पद बहाली गरेको पहिलो बार्षिकोत्सवको अवसरमा आयोजना भएको टीवाइटी कपमा एनआरटी जितविहीन बन्दै बाहिरिएको छ ।

गोलअअन्तरको आधारमा पेनाङ च्याम्पियन बनेको छ । पेनाङ र कारोको समान ४ अंक नै रहेपनि गोल अन्तरमा पेनाङ अघि रह्यो । पेनाङ र कारोले समानद २ खेलबाट ४ अंक जोड्दा एनआरटी अंकविहीन बन्यो । विजेता पेनाङले १० हजार मलेसियन रिंगेट तथा उपविजेता कारोले ५ हजार मलेसियन रिंगेट प्राप्त गरेको छ ।

टीवाइटी कपपछि एनआरटीले थाइल्याण्डमा विभिन्न क्लबसँग तीन मैत्रीपूर्ण खेल खेल्ने तालिका छ । एक खेल थाई लिग वान क्लब छोनबुरी एफसीसँग खेल्ने पक्का भइसकेको छ ।