एजेन्सी – पेरिस सेन्ट जर्मेन (पिएसजी) का फ्रान्सेली फरवार्ड केलियन एमबाप्पेले स्पेनिस क्लब रियल म्याड्रिड बालोन डि’ओरको मेसिन रहेको बताएका छन् ।

यसवर्षको बालोन डि’ओरको शीर्ष ३० को मनोनयनमा परेका एमबाप्पेले यसपाली आफ्नो फ्रान्सेल सहयात्री करिम बेन्जेमाले अवार्ड जित्न सक्ने समेत बताएका छन् । ‘बेन्जेमाले यसपालीको बालोन डि’ओर जित्ने सम्भावना छ । म उनीलाई नै रोज्नेछु,’ एमबाप्पेले भने, ‘मेरो शीर्ष तीन म, बेन्जेमा र साडियो माने हो । बेन्जेमाले ३४ वर्षको उमेरमा पनि गज्जवको प्रदर्शन गरेका छन् । उनी च्याम्पियन्स लिगको हरेक खेलमा निर्णायक बने । यदि बेन्जेमाले यसपटक बालोन डि’ओर जित्न सकेन भने म यो अवार्डको कहिल्यै पनि विश्वास गर्दिन ।’

एमबाप्पेले रियल म्याड्रिडका थप्रै खेलाडीले यो अवार्ड जितेको भन्ने पनि बताएका छन् । ‘रियल म्याड्रिड बालोन डि’ओरको मेसिन हो, तपाईले यसलाई स्वीकार गर्नुपर्छ,’ एमबाप्पेले भने ।

एमबाप्पेले आफू पनि कुनै जित यो अवार्ड जित्न सक्ने समेत बताएका छन् । ‘म आफ्नो ठाउँमा रहनुपर्छ, तर म विश्वस्त छु कि एक दिन म पिएसजीमा हुँदा बालोन डि’ओर जित्न सक्छु,’ एमबाप्पेले भने, ‘सबैको लक्ष्य क्लबबाट धेरैभन्दा धेरै उपाधि जित्ने नै हो । त्यसपछि मात्रै व्यक्तिगत विधामा ध्यान जान्छ । हाम्रो ध्यान अहिले नै बालोन डि’ओरमा छैन । हामी अहिले टिममै केन्द्रित छौं तपाई इमान्दार हुनुहुन्छ भने यसले पनि फरक पार्नेछ ।’

‘पहिले शीर्ष शीर्ष १० मा पुगिरहेको हुन्थे । अहिले शीर्ष चार वा पाँचमा परेको छु । यसमा खुसी छु,’२३ वर्षीय एमबाप्पेले थपे ।