ईङ्ल्याण्ड (एजेन्सी)- आज भएको ईंग्लिश प्रिमियर लिग अन्तर्गतको खेलहरुमा टोट्नह्याम, म्यान्चेस्टर सिटी र साउथह्याम्प्टन बिजयी भएका छन । चौथो स्थानमा रहेको म्यान्चेस्टर सिटीले तेस्रो स्थानमा रहेको आर्सनललाई २-१ले पराजित गरेको हो । यस तीन अंक पश्चात म्यान्चेस्टर सिटी दोस्रो स्थानमा पुग्न सफल भएको छ ।

आज भएको पहिलो खेलमा एएफसी बर्नमाउथले पहिलो हाल्फको आग्रता जोगाउन नसक्दा साउथह्याम्प्टनसँग ३-१ले पराजित हुन पुग्यो। खेलको ६औं मिनटमा चेल्सीबाट लोनमा आएका नाथन एकेले गोल गर्दै आग्रता दिलएका थिए तर त्यसकै ८ मिनट पछी चेल्सीकै पुर्व खेलाडी रायन बर्टराण्डले गोल गर्दै खेल बराबरीमा लेराएका थिए । अन्य दुइ गोल बिजेता टोलिका जय रोड्रीगेजले दोस्रो हाल्फको ४८ र ८५औं मिनटमा गरेका थिए ।

आजै भएको अर्को खेलमा आर्सनल पनि आग्रता जोगाउन नसक्दा म्यान्चेस्टर सिटीसँग २-१ले पराजित भयो । खेलको १४औं मिनटमै आर्सनलका लागि थियो वाल्कटले गोल गर्दै आग्राता दिलाएपनी उक्त खुशी पहिलो हाल्फमै सिमित हुन पुग्यो। सिटीका तर्फबाट दुबै गोल दोस्रो हाल्फम सम्भब भएको थियो । सिटीका लागि यसै सिजन अनुबन्धित युवा खेलाडी लेरोए सानेले ४८औ मिनटमा गोल गर्दै खेल बराबरीमा लेराएका थिए भने बिजयी गोल खेलको ७१औ मिनटमा रहिम स्टेर्लिङले प्रहार गरेका थिए । यो नजिता पश्चात सिटी दोस्रो स्थानमा पुगेको छ यधपी दुई अंक पछाडी रहेको लिभरपुलले एक खेल कम खेलेको छ ।

आजको अर्को खेलमा टोट्नह्याम हट्स्पर्सले पनि बर्नलेबिरुद्ध २-१को जित हात पर्‍यो । घरेलु मैदानमा खेलेको स्पर्सले पनि पछाडी परेको अवस्था उल्टाउदै जित हात परेको हो । पाँचौ स्थानमा रहेको स्पर्स खेलको २२औ मिनटमा यास्ले बार्नेसले गोल गर्दा पछाडी परेको थियो तर त्यस्को पाँच मिनटपछी नै डेले अलिले गोल गर्दै खेल १-१ बनाए । स्पर्सका लागि बिजयी गोल खेलको ७१औ मिनटमा डानी रोजले गरेका थिए ।