2 years ago
September 11, 2022
काठमाडौं (हाम्रो खेलकुद)– कुवेती अब्दुल्ला अल्मुताइरीले अखिल नेपाल फुटबल संघ (एन्फा) लाई आफूहरुबीचको नेपाली राष्ट्रिय फुटबल टोलीको मुख्य प्रशिक्षकका विषयमा भएको सम्झौता रद्द भएको पत्र पठाएका छन् ।
‘एन्फा महासचिवलाई इमेलमार्फत पठाउँदै एन्फा, कतार फुटबल संघ र आफूबीच भएको सम्झौता रद्द भएको जानकारी दिनुभएको छ,’ एन्फा प्रवक्ता सुरेश शाहले आइतबार भने,‘ यसलाई एन्फाले राजीनामा नै बुझेको छ ।’ कतार फुटबल संघको सहयोगमा अल्मुताइरी २०७७ को चैतमा नेपाल आएका थिए ।
अल्मुताइरीले सामाजिक सञ्जालमार्फत नेपाली राष्ट्रिय टोलीको मुख्य प्रशिक्षक पद त्यागेको घोषणा गरेका थिए । उनले फुसबुक स्ट्याट्स र एन्फालाई लगभग उहि समयमा पठाएको बुझिएको छ ।
साफ च्याम्पियनसिपको पछिल्लो संस्करणमा नेपाललाई फाइनल पुर्याएका अल्मुताइरीले फेसबुकमा खेलेका छन्, ५ सय २५ दिन नेपाल फुटबलको सेवा पछि आज आएर मैले नेपाली राष्ट्रिय फुटबल टोलीको यात्रा अन्त्य गरेको घोषणा गर्दछु । ’ उनले यात्रामा साथ दिने सबैलाई धन्यवाद पनि दिएका छन् ।
नेपाली टोली सम्हालेको केहि समयमा नै उनी विवादमा परेका थिए । गत वर्ष असारमा दुई खेलकुद पत्रकारहरुसँगको समान्य विवादमा अल्मुताइरीले तत्कालिन एन्फा वरिष्ठ उपाध्यक्ष रहेका पंकजविक्रम नेम्वाङमाथि गम्भिर आरोप लगाएका थिए । उनले नेम्वाङका कारण काम गर्न असहज भएको भन्दै पहिलो पटक फेसबुकमार्फत राजीनामाको घोषणा गरेका थिए ।
त्यसपछि गत वर्ष कात्तिकमा माल्दिभ्समा भएको साफ च्याम्पियनसिपका दौरान फाइनल अघि अब आफू नेपाल नफर्कने भन्दै राजीनामाको घोषणा गरेका थिए । तर, पछि उनी दीर्घकालिन योजनासहित आफू सन् २०२४ सम्म नेपाली टोलीको प्रशिक्षक रहने भन्दै पत्रकार सम्मेलनमार्फत जानकारी गराएका थिए ।
पछिल्लो पटक भने उनी राष्ट्रिय टोलीका खेलाडीसँग नै विवादमा तानिएका थिए । प्रशिक्षणमा रहेका खेलाडीलाई होटलमा राख्ने कि होस्टलमा भन्ने सामान्य विषयमा उनले खेलाडीसँग विवाद गरेका थिए । सिनियर खेलाडी रहेका रोहित चन्दले होस्टलमा सामान्य सुविधा पनि नरहेकोले टोलीलाई होटलमै राख्नु पर्ने माग राखेपछि उनी खेलाडीसँग आक्रामक बनेका थिए ।
त्यहि विषयमा अन्य खेलाडी पनि रोहितको साथमा हो भने बन्द प्रशिक्षण छाडेर जान सक्ने बताएपछि थप ९ खेलाडीले प्रशिक्षण छाडेका थिए । सोहि विषयमा गठन भएको छानविन समितिले कतार फुटबल संघसँग सम्वन्य गरि अल्मुताइरीको ठाँउमा अर्को प्रशिक्षक पठाइदिन आग्रह गर्न भनेको थियो ।
एन्फाले असोज ११ गते बंगलादेशविरुद्ध हुने मैत्रीपूर्ण खेलका लागि प्रदीप हुमागाईलाई कार्यवहाक मुख्य प्रशिक्षकको जिम्मेवारी दिएको थियो । जेठमा कतारमा भएको एसियन कप छनोटमा राष्ट्रिय टोलीले भाग लिएपछि अल्मुताइरी नेपाल फर्केका थिएनन् । यद्दपी उनले बंगलादेशविरुद्धको खेलका लागि २६ खेलाडी डाक्न एन्फालाई आग्रह गरेका थिए । एन्फाले भने हुमागाईलाई कार्यवहाक मुख्य प्रशिक्षक घोषणा गर्दै ४० खेलाडीलाई प्रशिक्षणमा बोलाएको थियो ।
May 17, 2024
एजेन्सी – पोर्चुगिज भेट्रान फुटबल स्टार क्रिस्टियानो रोनाल्डो बेलायती म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा रहेका छन् । उनी आफ्नो करिअरमा चौथोपटक म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा पुगेका हुन् ।गत वर्ष साउदी अरेबियाको अल नासर गएपछि रोनाल्डो यो सुचीको शीर्षस्थानमा थिए । यसवर्ष पनि उनी शीर्षस्थानमा रहेका हुन् […]
May 17, 2024
एजेन्सी – स्पेनिस युवा विंगर फर्मिन लोपेजको दुई गोल मद्दतमा बार्सिलोनाले स्पेनिस ला लिगामा सहज जित दर्ता गरेको छ । बार्सिलोनाले रेलिगेसनमा परिसकेको घरेलु टोली अल्मेरियामाथि २–० को सहज जित दर्ता गरेको हो । फर्मिनले दुवै हाफमा गोल गर्दै बार्सिलोनालाई जित दिलाए । अल्मेरियामा बिहीबार राति भएको खेलको १४औं मिनेटमा पहिलो गोल गरेका लोपेजले ६७औं […]
May 16, 2024
ललितपुर (हाम्रो खेलकुद) – चन्द्रागिरी नगरपालिका र काठमाडौं महानगरपालिका प्रथम गोदावरी उपत्यका ब्यापी अन्तर पालिका मेयर कप फुटबल प्रतियोगिताको उपाधिका लागि भिड्ने भएका छन् । च्यासल मैदानमा बिहीबार चन्द्रागिरीले महालक्ष्मी नगरपालिकालाई तथा काठमाडौंले मध्यपुर थिमि नगरपालिकालाई हराउँदै एकअर्कासँगको भेट पक्का गरेका हुन् । पहिलो सेमिफाइनलमा चन्द्रागिरीले महालक्ष्मीलाई १–० ले हराएको हो । ५५ औं मिनेटमा […]