एजेन्सी – युइएफए च्याम्पियन्स लिगमा आज मंगलबार जर्मन क्लब बायर्न म्युनिखले घरेलु मैदानमा क्याटलान क्लब बार्सिलोनाको आतिथ्यता गर्दैछ ।

खेल नेपाली समयअनुसार राति १२ः४५ बजे म्युनिखस्थित एलिएन्ज एरिनामा हुनेछ । दुवै टोली लगातार दोस्रो जितको खोजीमा मैदान उत्रनेछ ।

घरेलु मैदानमा बायर्न यो सिजनमा लयमा रहेको बार्सिलोनालाई हराउँदै समूह ‘सी’ मा लगातार दोस्रो जितको लक्ष्यमा हुनेछ । टोलीसँग साडियो माने, लिरोए साने, थोमस मुलर, सर्ज जिनाब्री, योसुवा किम्मिख, मार्सेल सवित्जर, अलफन्सो डाभिस, लुकास हर्नान्डेज, डेअट उपामिकानो, बेन्जामिन पाभार्ड र गोलरक्षक म्यानुयल नुएर रहेका छन् । यस्तै टोलीसँग जमल मुसिएला, लियोन गोरेट्जका र रायन ग्राभेनवर्च पनि रहेका छन् ।

यता, बार्सिलोना बायर्नकै पूर्व फरवार्ड रोबर्ट लेवान्डोस्कीसँगै बायर्नविरुद्ध मैदानमा उत्रनेछ । बार्सिलोनासँग लेवान्डोस्कीसँगै राफिन्हा, औसमाने डेम्वेले, अन्सु फाती, फेरान टोरेस, पेड्री, गाभी, सर्जियो बुस्क्वेट्स, एरिक गार्सिया, जुल्स कुन्डे, रोनाल्ड एराउजो, मार्काेस अलन्सो र गोलरक्षक मार्क आन्दर टेर स्टेगन रहेको छ ।

यि दुई टोलीबीचको पछिल्लो ९ खेलको नतिजामा बायर्नले ७ खेल आफ्नो पक्षमा पारेको छ । बार्सिलोनाले दुई खेल जितेको छ । पछिल्लो चार भेटमा बायर्नले बार्सिलोनाविरुद्ध जित निकालेको छ ।

बायर्न सोही जितको लयलाई निरन्तरता दिने लक्ष्यसहित मैद्यान उत्रनेछ । बार्सिलोनाले बायर्नलाई पछिल्लोपटक सन् २०१५ को च्याम्पियन्स लिगको समूह चरणको खेलमा ३–० को जित निकालेको थियो । बार्सिलोना बायर्नसँगको लगातार हारको श्रृंखला तोड्ने लक्ष्यमा हुनेछ ।

अन्य खेल
स्पोर्टिङ सिपीविरुद्ध टोटेनहम

भिक्टोरिया प्लेजेनविरुद्ध इन्टर मिलान

बायर लिभरकुसनविरुद्ध एट्लेटिको म्याड्रिड

एफसी पोर्टाेविरुद्ध क्लब ब्रुग

लिभरपुलविरुद्ध आयाक्स

मार्सेविरुद्ध फ्रान्कफुर्ट