1 year ago
October 11, 2022
एजेन्सी – इंग्लिस क्लब लिभरपुलका कोलम्वियन फरवार्ड लुइस डियाज कम्तीमा तीन महिना मैदान बाहिर रहने भएका छन् । घुँडाको चोटको कारण उनी डिसेम्बरसम्म अर्थात कम्तीमा तीन महिना मैदान बाहिर रहने भएका हुन् । प्रिमियर लिग अन्तर्गत आइतबार राति आर्सनलसँग ३–२ ले पराजित भएको खेलमा डियाजले चोट बोकेका थिए । २५ वर्षीय डियाजको सोमबार घुँडाको स्क्यान […]
एजेन्सी – इंग्लिस क्लब लिभरपुलका कोलम्वियन फरवार्ड लुइस डियाज कम्तीमा तीन महिना मैदान बाहिर रहने भएका छन् ।
घुँडाको चोटको कारण उनी डिसेम्बरसम्म अर्थात कम्तीमा तीन महिना मैदान बाहिर रहने भएका हुन् । प्रिमियर लिग अन्तर्गत आइतबार राति आर्सनलसँग ३–२ ले पराजित भएको खेलमा डियाजले चोट बोकेका थिए ।
२५ वर्षीय डियाजको सोमबार घुँडाको स्क्यान गरिएको थियो । उनको घुँडाको चोटको शल्यक्रिया गर्नु नपर्ने भएपनि उनले विश्वकपपछि सम्मै खेल्न सक्ने छैनन् ।
२० नोभेम्वरबाट कतारमा फिफा विश्वकप शुरु हुँदा लिभरपुलले १३ नोभेम्वरसम्ममा १० खेल खेल्ने तालिका छ । लिभरपुलले २६ डिसेम्वरमा एस्टन भिल्लासँग खेल्दै पुन प्रिमियर लिगमा फर्कनेछ ।
डियाजको चोटसँगै यो सिजन खराव प्रदर्शन गरिरहेको लिभरपुललाई थप समस्या थपिएको छ । गत सिजनको उपविजेता लिभरपुल यो सिजन ८ खेल खेल्दा १० अंक मात्रै जोड्दै १०औं स्थानमा रहेको छ ।
लिभरपुलले कमजोर शुरुवात गरेपनि डियाजले लिभरपुलका लागि उच्च प्रदर्शन गरिरहेको छ । डियाजले यो सिजन लिभरपुलका लागि १२ खेल खेल्दा ४ गोल गरिसकेका छन् ।
डियाजले आर्सनलका मिडफिल्डर थोमस पार्टीसँग जुध्न पुग्दा पहिलो हाफको अन्त्यतिर बैसाखीको सहारामा इमिरेट्स स्टेडियम छाडेका थिए । त्यही खेलमा ट्रेन्ट एलेक्साण्डर–अर्नोल्ड पनि चोटकै कारण दोस्रो हाफको शुरुमै मैदान छाड्न पुगेका थिए ।
लिभरपुलले बुधबार च्याम्पियन्स लिगमा रेन्जर्ससँग खेल्दैछ । त्यसपछि आइतवार प्रिमियर लिगमा एनफिल्डमा च्याम्पियन म्यानचेस्टर सिटीको आतिथ्यता गर्दैछ ।
November 28, 2023
काठमाडौं (हाम्रो खेलकुद) – नेपाल सुपर लिगको दोस्रो संस्करण अन्तर्गत दशरथ रंगशालामा जारी खेलमा साविक विजेता काठमाडौं रेजर्स र एफसी चितवनले गोलरहित पहिलो हाफ खेलेका छन् । खेल प्रतिस्पर्धात्मक भएपनि कुनै टोलीले स्पष्ट मौका भने सिर्जना गर्न सकेका छैनन् । खेलको सुरुवातमै चितवनका विमल घर्ती मगरको थ्रु पासमा रफिक अमिनु पुग्नु अघि काठमाडौं गोलरक्षक अभिषेक […]
November 28, 2023
काठमाडौं (हाम्रो खेलकुद) – नेपाल सुपर लिगको दोस्रो संस्करण अन्तर्गत आजको खेलमा काठमाडौंं रेजर्स र एफसी चितवन खेल्दैछन् । खेल साँझ ५:३० बजे दशरथ रंगशालामा सुरु हुनेछ । दुवै टोली आफ्नो दोस्रो खेल खेल्दैछन् । दुवै टोलीको पहिलो खेलको कथा भने फरक थियो । चितवनलाई धेरैले यस संस्करणको उपाधि दाबेदार मानेका छन् । तर पहिलो […]
November 27, 2023
सुबास हुमागाईं, काठमाडौं नेपाली राष्ट्रिय फुटबल टोलीका लागि गोलरक्षक किरण चेम्जोङले सबैभन्दा धेरै खेल खेलेका छन् । राष्ट्रिय टोलीको लागि १ सय खेल खेल्ने दुर्लभ उपलब्धि नजिक पुगेका उनी उमेरले ३४ वर्ष पुगिसकेका छन् । लामो समय किरणलाई राष्ट्रिय टोलीमा साथ दिएका विशाल श्रेष्ठ र विकेश कुथु पनि राष्ट्रिय टोलीबाट पछिल्लो समय बाहिर छन् । […]