पोखरा (हाम्रो खेलकुद) – एलजी सेभेन ए साइड फुटबल प्रतियोगिताको दोश्रो दिन शनिबार दुरा युवा क्लब, मिलन टोल, युनाइटेड क्लब र काजीपोखरी विजयी भएका छन् । दुराले प्रतिभा युथ कलवलाई ३–० ले, मिलनटोलले अन्नपुर्ण टोललाई १–० ले, युनाइटेडले क्रियटिभ क्लबलाई २–० ले, काजीपोखरीले मेरो नेपाल युथ क्लबलाई ४–० ले हरायो ।
त्यस्तै बाँझापाटन बि ले पस गाँउ यूथ क्लवलाई २–१ ले , ए.वि.गर्नसले एन.सि.एस एम कसेरीलाई टाइव्रेकरमा ४–३ ले र व्रर्दश एफसीले संगम होम ग्राउण्डलाई ३–१ ले पराजित गर्यो ।
‘युवाको सकारत्मक प्रयोग र उपयोगको’ नारा सहित सामाजिक क्रियाकलापमा आवद्ध लाली गुराँस एसोशियसन पोखराले आयोना गरेको प्रतियोगिताको विजेताले १ लाख २५ हजार ५ सय ५५ तथा दोस्रो हुने टोलीले ७५ हजार ५ सय ५५ रुपैयाँ प्राप्त गर्ने छ । पोखराको अम्बर सिंह खेल मैदानमा पुस ८ गते जारी प्रतियोगितामा ४७ टोलीको सहभागिता रहेको एसोसिएसनका अध्यक्ष डम्बरजंग गुरुङले जानकारी दिए । प्रतियोगिता पुस १५ गते सकिनेछ ।
