default_image

1 year ago

November 3, 2022

एन्फाले विश्वकपको टिकट आन्तरिक विक्री गर्ने

काठमाडौं (हाम्रो खेलकुद) – यसै महिना सुरु हुने फिफा विश्वकप २०२२ कतारका लागि अखिल नेपाल फुटबल संघ (एन्फा) ले आफू मातहतका जिल्ला संघ, क्लब लगायत विभिन्न सहयोगी संस्था र व्यक्तिहरुलाई आन्तरिक रुपमा मात्र टिकट विक्री गर्ने भएको छ । फिफाले एन्फालाई पछिल्ला संस्करणजस्तै यसपटक पनि २ सय ९० टिकट प्रदान गरेको छ । तर यसपटक […]

184 views

0 Bookmark

काठमाडौं (हाम्रो खेलकुद) – यसै महिना सुरु हुने फिफा विश्वकप २०२२ कतारका लागि अखिल नेपाल फुटबल संघ (एन्फा) ले आफू मातहतका जिल्ला संघ, क्लब लगायत विभिन्न सहयोगी संस्था र व्यक्तिहरुलाई आन्तरिक रुपमा मात्र टिकट विक्री गर्ने भएको छ ।

फिफाले एन्फालाई पछिल्ला संस्करणजस्तै यसपटक पनि २ सय ९० टिकट प्रदान गरेको छ । तर यसपटक भने एन्फाले आफू मातहत आएको टिकट खुला विक्रीमा नराख्ने भएको छ । एन्फाले उक्त टिकट खरिद गर्नका लागि भुक्तानी प्रक्रिया चालिसकेको छ ।

टिकट विक्री संयोजन गरिरहेका वरिष्ठ उपाध्यक्ष वीरबहादुर खड्काका अनुसार आएको टिकटमध्य एन्फाले विगतझैं एसियाली फुटबल महासंघ (एएफसी) लाई ६५ टिकट दिनेछ । त्यसपछि आफू मातहतका ३ डिभीजनका ४२ क्लब, ४८ जिल्ला फुटबल संघ, ४ फुटबल संघ (रेफ्री, खेलाडी, प्रशिक्षक र महिला), राष्ट्रिय लिगका लागि छनोट ४ क्लब र ७ प्रदेश फुटबल संघलाई १-१ टिकट विक्री गर्नेछ ।

यसबाहेक अन्य टिकट फुटबलमा प्रायोजन गर्दै आएका र फुटबलमा योगदान दिएका व्यक्ति तथा संस्थालाई विक्री गरिने बुझिएको छ । एन्फा केन्द्रिय कार्यसमितिका सदस्यलाई पनि टिकट विक्रीका लागि प्राथमिकतामा राखिएको छ ।

एन्फा महासचिव किरण राईका अनुसार एन्फाले सिमित टिकट आएकाले सार्वजनिक रुपमा विक्री गर्न नसकेको बताए । ‘हामीले फुटबलमा नै काम गरिरहने संघ, क्लब लगायत संस्था र व्यक्तिलाई प्राथमिकतामा राखेका छौं । कसरी अघि बढ्ने भन्ने छलफलमा छौं । सार्वजनिक विक्री गर्न सक्ने अवस्था छैन । फिफामा टिकटको रकम भुक्तानी हुन बाँकी छ । कुन टिकट र कति रकम भन्ने चाडैं थाहा हुन्छ,’ राईले भने ।

एन्फाले उद्घाटन समारोह र समूहचरणका खेलदेखि सेमिफाइनलसम्मका खेलको टिकट विक्रीका लागि फरक फरक मूल्य राखेको छ । विभिन्न खेलको टिकट मूल्य ३० हजारदेखि १ लाख ३१ हजारसम्म रहेको छ ।

फिफाले केही महिना अघिदेखि नै विश्वभरका खेलप्रेमीका लागि टिकट विक्री प्रक्रिया जारी राखेको छ । सुरुवातमा खुला आवेदनमार्फत टिकट विक्री गरिएकोमा पछिल्लो समय भने फिफाले आवेदन परेर पनि विक्री नभएका टिकट पुन: विक्री गर्दै आएको छ । फिफाले विश्वकप सुरु हुँदासम्म अनलाइन र स्थलगत रुपमा नै उपलब्ध टिकट विक्री गर्ने गरेको छ ।

April 15, 2024

लिभरपुलपछि आर्सनल पनि पराजित

एजेन्सी – लिभरपुलको हारपछि इंग्लिस प्रिमियर लिग शीर्षस्थानमा उक्लने मौकालाई आर्सनलले गुमाएको छ । आर्सनल आइतबार एस्टन भिल्लासँग २–० ले पराजित भएको छ । उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको छ । खेलको अन्त्यतिर एस्टन भिल्लाले २ गोल गर्दै आर्सनलमाथि सानदार जित निकालेको हो । लियोन […]

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

April 14, 2024

उपाधि आकांक्षी लिभरपुल स्तब्ध

एजेन्सी – प्रशिक्षक योर्गन क्लपको अन्तिम सिजनको सुखद अन्त्य गर्ने आशामा रहेको लिभरपुलको उपाधि आकांक्षामा धक्का लागेको छ । पछिल्लो हप्ता म्यानचेस्टर युनाइटेड विरुद्ध बराबरी खेलेको लिभरपुल आज भने क्रिस्टल प्यालेस विरुद्ध पराजित भएको हो । क्रिस्टल प्यालेसले लिभरपुलकै घरेलु मैदानमा १-० को जित हासिल गरेको हो । प्यालेसको जितमा एबेरिचे एजेले खेलको १४औं मिनेटमा […]

Success

Thank you for your time.