2 years ago
November 8, 2022
एजेन्सी – विश्व फुटबलको सर्वोच्च निकाय फिफाका पूर्व अध्यक्ष सेप ब्लाटरले विश्वकप आयोजनाको जिम्मेवारी कतारलाई दिनु गल्ती भएको बताएका छन् ।
सन् २०१० मा ब्लाटर अध्यक्ष हुँदा नै फिफाले कतारलाई फिफा विश्वकप २०२२ आयोजनाको जिम्मा दिएको थियो । कतारले आयोजना जिम्मेवारी पाएयता आयोजनाका लागि फुटबल संरचना निर्माणदेखि विभिन्न कार्य गर्दै आएको छ । तर यसक्रममा कतारको नाम मानव अधिकार उल्लङ्घन तथा श्रमिक शोषणमा जोडिएको छ ।
फिफामा १७ वर्ष अध्यक्षको पदमा रहेका ब्लाटरको नाम फिफा विश्वकप आयोजना कतारलाई दिने विषयलाई लिएर भ्रष्टाचारमा जोडिएको थियो । उनलाई फिफा चुनावमा मत खरिद गर्न र अन्य आर्थिक अनियमितता गरेको आरोप लागेको छ ।
‘कतार एकदम सानो देश हो । फुटबल र विश्वकप कतारका लागि निकै ठूलो हुन्छ,’ ब्लाटरले स्विस पत्रिका तागेस अन्जेगरलाई भने, ‘ कतारलाई दिनु गल्ती थियो । हाम्रो नराम्रो रोजाई थियो ।’
ब्लाटरले सन् २०१२ मा फिफाले आयोजक छनोटको प्रक्रियामा परिवर्तन गरेको पनि बताए । उनले पछिल्लो समय भने सामाजिक र मानव अधिकारको अवस्था पनि हेरिने बताए ।
ब्लाटरले आफू विश्वकपको समयमा घरमा नै बसेर हेर्ने बताएका छन् । विश्वकप मंसिर ४ गतेदेखि सुरु हुँदैछ ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]