3 years ago
November 9, 2022
एजेन्सी – फिफा विश्वकप कतार २०२२ सुरु हुन ११ दिन बाँकी रहँदा सेनेगलका सुपरस्टार फरवार्ड सडियो मानेले चोट बोकेका छन् ।
मंगलबार राति जर्मन बुन्डेसलिगामा बायर्न म्युनिखले वेर्डर ब्रेमेनमाथि ६–१ को सानदार जित निकालेको खेलमा माने घाइते भएका हुन् । मानेले चोट बोक्नु अघि खेल १–१ गोलको बराबरीमा रहेको थियो ।
खेलको २०औ मिनेटमा मानेलाई लिरोए सानेले प्रतिस्थापन गरेका थिए । यससँगै उनले विश्वकप गुमाउने सम्भावना बढेको छ । तर विस्तृत मेडिकल रिपोर्ट आइसकेको छैन ।
३० वर्षीय मानेले मैदान छाड्दै गर्दा दायाँ घुँडामा समस्या भएको संकेत देखिएको थियो । बायर्नका प्रशिक्षक जुलियन नागेल्सम्यानले मेडिकल रिपोर्टपछि मात्रै मानेको अवस्थाबारे थाहा हुने बताएका छन् ।
दुई पटकका अफ्रिकी फुटबलर अफ द इयर माने अफ्रिकी च्याम्पियन सेनेगलका लागि महत्वपूर्ण खेलाडी हुन् । उनले सेनेगलले खेलेको पछिल्लो सबै खेलमा पहिलो रोजाईमा खेलेका छन् ।
सेनेगललाई अफ्रिका कप अफ नेसन्सको च्याम्पियन बनाउन मानेले इजिप्टविरुद्ध टाइब्रेकरमा निर्णायक गोल गरेका थिए । मानेले सेनेगलका लागि ५९ खेलमा ३१ अन्तर्राष्ट्रिय गोल गरेका छन् ।
कतार विश्वकपको समूह ‘ए’ मा रहेको सेनेगलले नोभेम्बर २१ मा नेदरल्यान्ड्ससँग खेल्दै विश्वकपको सुरुआत गर्नेछ । त्यसपछि सेनेगलले २५ नोभेम्वरमा कतार र २९ नोभेम्वरमा इक्वेडरसँग खेल्नेछ ।
December 14, 2025
काठमाडौं (हाम्रो खेलकुद)- एपिएफ दशरथ रंगशालामा जारी साफ महिला क्लब च्याम्पियनसिपको फाइनल नजिक पुगेको छ। पाकिस्तानको कराँची सिटी एफसीलाई १-० ले हराउँदै एपिएफ फाइनल नजिक पुगेको हो। दोस्रो जितसँगै ७ अंकका साथ एपिएफ शीर्ष स्थानमा उक्लिएको छ। पहिलो खेल नासिर स्पोर्टस एकेडेमीलाई ४-० ले हराएको एपिएफ दोस्रो खेलमा भुटानको ट्रान्सपोर्ट युनाइटेडसँग गोलरहित बराबरीमा रोकिएको थियो। […]
December 14, 2025
काठमाडौं (हाम्रो खेलकुद)- दुबईमा सम्पन्न आइबिए पुरुष विश्व बक्सिङ च्याम्पियनसिपको ५४ केजी तौल समूहमा कास्य पदक जितेका बक्सर चन्द्र बहादुर थापासहित नेपाली बक्सिङ टोली स्वदेश फर्केको छ। तेस्रो स्थान प्राप्त गरेका चन्द्रले पुरस्कारवापत चन्द्रले ७५ हजार अमेरिकी डलर प्राप्त गरेका छन् । सेमिफाइनल उनी काजकस्तानका खेलाडीसँग ५-० ले पराजित भएका थिए। क्वाटरफाइनलमा इरानका महेदी काजमीलाई ५-० […]
December 14, 2025
काठमाडौं (हाम्रो खेलकुद)- एपिएफको २ खेलको प्रदर्शनलाई हेर्दा त्रिपुरेश्वरस्थित दशरथ रंगशालामा जारी साफ महिला क्लब च्याम्पियनसिपको फाइनलको दाबेदार देखिन्छ। तर आज हुने खेलको नतिजा एपिएफलाई फाइनल पुग्नका लागि महत्वपूर्ण हुनेछ। भारतीय क्लब इस्ट बंगाल लगातार २ खेल जित्दै ६ अंकका साथ शीर्ष स्थानमा छ। इस्ट बंगाल च्याम्पियनसिपको मुख्य दाबेदारका रुपमा देखिएको छ। एपिएफले २ खेलमा […]
