default_image

1 year ago

November 11, 2022

रोनाल्डोको कप्तानीमा पोर्चुगलको टोली घोषणा

एजेन्सी – भेट्रान फरवार्ड क्रिस्टियानो रोनाल्डोको कप्तानीमा पोर्चुगलले फिफा विश्वकप कतार २०२२ को लागि अन्तिम टोली घोषणा गरेको छ । मुख्य प्रशिक्षक फर्नान्डो सान्तोषले राष्ट्रिय टोलीबाट विश्वकै सर्वाधिक गोलकर्ता रहेका रोनाल्डोको कप्तानीमा बिहीबार राति २६ सदस्यीय टोली घोषणा गरेको हो । पोर्चुगलबाट ११७ अन्तर्राष्ट्रिय गोल गरिसकेका रोनाल्डोले यो सिजन म्यानचेस्टर युनाइटेडमा पहिलो रोजाईमा पर्न संघर्ष […]

139 views

0 Bookmark

एजेन्सी – भेट्रान फरवार्ड क्रिस्टियानो रोनाल्डोको कप्तानीमा पोर्चुगलले फिफा विश्वकप कतार २०२२ को लागि अन्तिम टोली घोषणा गरेको छ ।

मुख्य प्रशिक्षक फर्नान्डो सान्तोषले राष्ट्रिय टोलीबाट विश्वकै सर्वाधिक गोलकर्ता रहेका रोनाल्डोको कप्तानीमा बिहीबार राति २६ सदस्यीय टोली घोषणा गरेको हो ।

पोर्चुगलबाट ११७ अन्तर्राष्ट्रिय गोल गरिसकेका रोनाल्डोले यो सिजन म्यानचेस्टर युनाइटेडमा पहिलो रोजाईमा पर्न संघर्ष गरिरहेको छ । ३७ वर्षीय रोनाल्डोले यो सिजन युनाइटेडका लागि १० मा सुरुवातसहित १६ खेल खेल्दा ३ गोल गरेका छन् ।

पोर्चुगलका प्रशिक्षक फर्नान्डो सान्तोसले भने, ‘बोलाएका सबै खेलाडीहरू जित्ने र पोर्चुगललाई विश्व च्याम्पियन बनाउने भोक लिएर आएका थिए, रोनाल्डो पनि थिए ।’ टोलीमा प्रिमियर लिगका १० खेलाडीले स्थान बनाएका छन् ।

रोनाल्डोका क्लबका सहयात्री ब्रुनो फर्नान्डेस र डियोगो डालोट, म्यानचेस्टर सिटीका जोआओ क्यान्सेलो, रुबेन डायस र बर्नार्डो सिल्भा, फुलहमका जोआओ पाल्हिन्हा र वल्भ्सका जोसे सा, रुबेन नेभेस र म्याथ्युस नुनेसले अन्तिम टोलीमा स्थान बनाएका छन् ।

अनुभवी मिडफिल्डर जोआओ माउटिन्हो, गोन्कालो गुएडेस र पिएसजीका मिडफिल्डर रेनाटो सान्चेसले टोली स्थान बनाउन सकेनन् । घाइते फरवार्ड डिएगो जोटा हुनेछैनन् । डिफेन्डर पेपेले अन्तिम टोलीमा स्थान बनाएका छन् ।

समूह एच मा रहेको पोर्चुगलले २४ नोभेम्बरमा घानासँग खेल्नेछ । २८ नोभेम्बरमा उरुग्वे र २ डिसेम्बरमा दक्षिण कोरियासँग खेल्नेछ ।

पोर्चुगल टोली

गोलरक्षक – डिओगो कोस्टा, रुई प्याट्रिसियो र जोसे सा

डिफेन्डर – जोआओ क्यान्सेलो, डिओगो डालोट, रुबेन डायस, राफेल गुरेइरो, नुनो मेन्डेस, पेपे, डानिलो परेरा र एन्टोनियो सिल्भा

मिडफिल्डर – विलियम कार्भाल्हो, ब्रुनो फर्नान्डेस, जोआओ मारियो, रुबेन नेभेस, म्याथियस नुनेस, ओटाभियो, जोआओ पाल्हिन्हा, बर्नाडो सिल्भा र भिटिन्हा

फरवार्ड – जोआओ फेलिक्स, रिकार्डो होर्टा, राफयल लियो, गोन्कालो रामोस, क्रिस्टियानो रोनाल्डो र आन्द्रे सिल्भा

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

April 18, 2024

एन्फा उपाध्यक्ष लामा छुटे

काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]

April 18, 2024

सिटीलाई हराउँदै रियल च्याम्पियन्स लिगको सेमिफाइनलमा

एजेन्सी – साविक विजेता म्याचेस्टर सिटीलाई हराउँदै रियल म्याड्रिड च्याम्पियन्स लिगको सेमिफाइनलमा पुगेको छ । सिटीलाई बुधबार पेनाल्टी सुट आउटमा ४–३ ले हराउँदै रियल अन्तिम चारमा पुगेको हो । गोलकिपर लुनिनले दुई पेनाल्टी रोकेपछि १४ पटकको विजेता रियलको सेमिफाइनल यात्रा तय गरेको थियो । त्यसअघि रियल र सिटीबीचको क्वार्टरफाइनलको दोस्रो लेगको निर्धारित र थप सयम […]

Success

Thank you for your time.