दिपक बोहोरा
पाँचथर– पूर्वाञ्चलमा पहिलो पटक आयोजना भइरहेको राष्ट्रिय खेलकुदको सातौं संस्करणको समापनकै दिन पाँचथरको फिदिमका फाल्गुन्द गोल्ड कप फुटबल प्रतियोगिता सुरु हुँदैछ । फिदिम स्पोर्टिङ क्लबलेले आयोजना गर्ने पूर्वी पहाडको चर्चितको फुटबल प्रतियोगिता पुस १५ गते सुरु हुँदैछ ।

यो फाल्गुनन्द कपको आठौं संस्करण हो । दर्शकको सुबिधाको लागि आयोजकले बाँसको अस्थाइ प्याराफिट निर्माण गरिदैछ । अस्थाई प्यारापिट करिब ५ हजार दर्शक क्षमताको रहेको आयोजकले बताएका छन् । प्यारापिट निर्माणका लागि ३ लाख रुयैँया खर्च लागेको बताइएइको छ । फाल्गुनन्द कपमा पहिलो पटक अस्थाइ प्यारापिट निर्माण गरिएको हो । प्यारापिट निर्माण संगै फाल्गुनन्द गोल्डकपको तयारी अन्तिम चरणमा पुगेको बताइएको छ ।

आयोजक क्लबसहित पूर्वाञ्चलका चर्चित क्लब, भारत र भुटानका क्लब गरि १० टोलीको सहभागिता रहने स्पोर्टिङ क्लबका अध्यक्ष किरण श्रेष्ठले बताए । आयोजक फिदिम स्पोटिङ, कर्ण सिं सोनाम स्मृति क्लब ताप्लेजुङ ,साइनो फुटबल क्लब मोरङ , विर्ता युनाटेड ,सुनसरि –११ , हिमालयन शेर्पा क्लब , रुपन्देहि ११, चर्च व्याइज क्लब काठमाडांै, भारतको शेर क्लब र भुटानको फ्रेन्ड्स क्लब (बिआसी) को सहभागिता रहनेछ । झन्डै  २८ लाख रुपैयाँ खर्च हुने अनुमान गरिएको प्रतियोगिताको विजेता २ लाख ५० हजार र दोस्रो हुने टोलीले १ लाख ५० हजार रुपैयाँ पाउनेछन् ।