कतार (हाम्रो खेलकुद) – गत संस्करणको उपविजेता क्रोएसियाले फिफा विश्वकप कतार २०२२ अन्तर्गत समूह चरणको पहिलो खेलमा मोरोक्कोको सामना गर्दैछ । खेल नेपाली समयअनुसार दिउँसो ३:४५ बजे अल बेयत रंगशालामा हुनेछ ।

दुवै टोली छैटौं पटक विश्वकपमा प्रतिस्पर्धा गर्दैछन् । मोरक्कोले सन् १९७० मा पहिलो पटक विश्वकपमा सहभागिता जनाएको थियो । त्यसपछि ३ पटक विश्वकप खेलेको मोराक्को २० वर्षपछि रुसमा सन् २०१८ विश्वकपका लागि छनोट भएको थियो ।

यता साविकको उपविजेता क्रोएसियाले सन् १९९८ मा पहिलो सहभागितामै सेमिफाइनलमा स्थान बनाएको थियो । त्यसपछि २००२, २००६ र २०१४ मा टोलीले समूह चरण पार गर्न सकेन । सन् २०१८ मा भने उपाधि भिडन्तमा सहभागी क्रोएसिया फ्रान्ससँग पराजित भएको थियो ।

हालसम्म यी दुई टोलीबीच एक पटक मात्र खेल भएको छ । सन् १९९६ मा भएको मैत्रीपूर्ण खेल २-२ को बराबरीमा सकिएको थियो ।

अन्तिम टोलीहरु :

मोरोक्को :

गोलरक्षक : यासिन बोनो, मुनिर, अहमद रेडा ताग्नाउटी

डिफेन्डर : अक्रफ हाकिमी, नुसेर माजारोइ, रोमन साइस, नायेफ अगेर्ड, अक्रफ दारी, जवाद एल यामिक, याहिया अतिआत अलाल, बादर बेनुन

मिडफिल्डर : सोफ्यान अम्रबाट, सलिम अमल्लाह, अब्दलहमिद सबिरी, अजेदिन ओउनाही, बिलेल एल खानुस, याह्या जब्राने

फरवार्ड : हाकिम जिएक, युसुफ एन-नेस्री, सोफियाने बोउफाल, जाकारिया अबौख्लाल, एज आब्दे, अमिन हारित, इलिअस चेअर, अब्देरजक हम्दाला, वालिद चेदिरा

क्रोएसिया :

गोलरक्षक : डोमिनिक लिभाकोभिच, इभिका इभुसिच, इवो ग्रिबिच

डिफेन्डर : डोमागोज भिडा, डेजान लोभ्रेन, बोरना बरिसिच, जोसिप जुरानोभिच, जोस्को भार्डीओल, बोरना सोसा, जोसिप स्टानीसिच, मार्टिन एर्लिच, जोसिप सुटालो

मिडफिल्डर : लुका मोड्रीच, मटियो कोभाचिच, मार्सेलो ब्रोजोभिच, मारियो पासालीच, निकोला भ्लासिच, लोभ्रो माहेर, क्रिस्टियन जाकिच, लुका सुचिच

फरवार्ड : इभान पेरिसिच, आन्द्रे क्रामारिच, ब्रुनो पेक्टोभिच, मिस्लाभ ओर्सिच, आन्टे बुडीमिर, मार्को लिभाजा