लन्डन (एजेन्सी)– म्यानचेस्टर सिटीले प्रिमियर लिगको उपाधि दौडलाई कायम राख्ने क्रममा सोमबार राती हल सिटीलाई ३–० ले हराएको छ । खेलेको अन्त्यतिर १८ मिनेटमा गोल गर्दै सिटीले जित हासिल गरेको थियो ।
याया टुरेले ७२ औं मिनेटमा पेनाल्टीमार्फत गोल गरेका थिए । त्यसको छ मिनेटपछि कोलिची इहिनाचोले गोल गर्दै अन्तरलाई दोब्बर पारे । रहिम स्टेर्लिङको क्रसमा इहिनाचोले गोल गरेका हुन् । इन्जुरी समयमा हलका क्रुटिस डेभिसले आत्मघाती गोल गरेपछि सिटीको जित थप सहज बनेको थियो । स्टेर्लिङको प्रहार रोक्ने क्रममा डेभिसको आत्मघाती गोल भएको थियो । जितपछि १८ खेलमा ३९ अंक जोेडेको सिटी दास्रो स्थानमा उक्लेको छ ।
चेल्सी ४६ अंकसहित शीर्षस्थानमा छ । एक खेल कम खेलेको लिभरपुल (३७) तेस्रो स्थानमा छ । समान अंकको आर्सनल चौथो स्थानमा छ । गएरातिको जितपछि १८ खेलबाट ३९ अंक भएको सीटी दोस्रो स्थानमा उक्लियो। शीर्ष स्थानको चेल्सीको ४६ अंक छ। एक खेल कम खेलेको लिभरपुलको ३७ अंक सहित तेस्रो स्थानमा छ।
