3 years ago
January 5, 2023
एजेन्सी – तेस्रो श्रेणीको सिएफ इन्टरसिटीमाथि अतिरिक्त समयमा रोमाञ्चक जित निकाल्दै क्याटलान क्लब बार्सिलोना स्पेनिस कोपा डेल रेको प्रि–क्वाटरफाइनलमा प्रवेश गरेको छ ।
बार्सिलोनाले इन्टरसिटीलाई अतिरिक्त समयमा ४–३ ले पराजित गर्दै अन्तिम १६ मा स्थान पक्का गरेको हो । बार्सिलोनाको जितमा रोनाल्ड एराउजो, औसमाने डेम्बेले, राफिन्हा र अन्सु फातीले गोल गरे । इन्टर सिटीका २१ वर्षीय आक्रमक मिडफिल्डर ओरिओल सोल्डेभिलाले ह्याट्रिक पूरा गरेपनि हार टार्न सकेन ।
स्टेडियो जोश रिको पेरेज एलिकेन्ट स्पेनमा बुधबार राति भएको खेलमा बार्सिलोनाले बल पोसेसन राख्दै बलियो पकड बनाएपनि जितको लासग अतिरिक्त समय नै कुर्नुपरेको थियो ।
खेलको चौथो मिनेटमा एराउजोको गोलबाट बार्सिलोनाले पहिलो हाफमा १–० को अग्रता लिन सफल भएको थियो । ५९औं मिनेटमा ओरिओल सोल्डेभिलाले गोल गर्दै खेललाई १–१ गोलको बराबरीमा ल्याए ।
६६औं मिनेटमा डेम्वेलेको गोलबाट बार्सिलोनाले पुनः खेलमा २–१ को अग्रता लिन सफल भयो । ७४औं मिनेटमा ओरिओल सोल्डेभिलाले व्यक्तिगत र टोलीका लागि दोस्रो गोल गर्दै खेललाई २–२ गोलको बराबरीमा ल्याए ।
७७औं मिनेटमा राफिन्हाले गोल गर्दै पुन बार्सिलोनालाई खेलमा ३–२ ले अघि बढाए । ८६औं मिनेटमा ओरिओल सोल्डेभिलाले ह्याट्रिक पूरा गरेपछि ३–३ गोलको बराबरी हुँदा खेल अतिरिक्त समयमा लम्बियो ।
ओरिओल सोल्डेभिला सन् २०२१ काे फेब्रअरीपछि बार्सिलाेनाविरुद्ध ह्याट्रिक गर्ने पहिलाे खेलाडी हुन् । त्यसबेला पिएसजीका केलियन एमबाप्पेले ह्याट्रिक प्रहार गरेका थिए ।
अतिरिक्त समयको १३औं मिनेटमा अन्सु फातीले गोल गर्दै बार्सिलोनालाई खेलमा पुनः ४–३ ले अघि बढाए । त्यसपछि थप गोल निस्कन नसक्दा बार्सिलोना विजयी हुन सफल भयो ।
बार्सिलोनासँग लगातार दवाव झेलेको इन्टरसिटीले काउन्टर अट्याकमा पाएको मौकालाई सदुपयोग गर्दै बार्सिलोनालाई बलियो चुनौती पेश गरेको थियो । इन्टर सिटी दोस्रो डिभिजनमा पनि रेलिगेसन क्षेत्रमा रहेको छ ।
July 15, 2025
काठमाडौं (हाम्रो खेलकुद)- औरियम एकेडेमीको नेतृत्वमा नेपालका ३ टोलीले डेनमार्कमा आयोजना हुने डाना कप २०२५ मा सहभागिता जनाउने भएका छन्। डाना कपमा यसपटक रातो बंगला स्कुलका यु १२ ब्वाइज टोली र यु १४ गर्ल्स टोली तथा संस्कृति इन्टरनेशनल स्कुलको यु १४ ब्वाइज टोलीले प्रतिस्पर्धा गर्नेछन्। औरियम एकेडेमी यो यात्राको प्रमुख संयोजन र व्यवस्थापनको भूमिकामा रहेको […]
July 15, 2025
काठमाडौं (हाम्रो खेलकुद)- राष्ट्रिय फुटबल टोलीका लकेन लिम्बू कम्बोडियन टोली किरिभोङ सोकसेन्चे फुटबल क्लबमा आबद्ध भएका छन्। थ्री स्टार क्लबका व्यवसायिक फुटबल खेल्न सुरु गरेकासिंगापुरमा हुर्किएका लकेनले दिल्ली एफसीले आई-लिग खेलेका थिए। लेकनले किरिभोङमा आबद्ध हुन पाउनु आनो लागि ठूलो सम्मान भएको छ।
July 15, 2025
एजेन्सी – रियल म्याड्रिडमा १३ वर्ष बिताएका लुका मोड्रिच फ्रि ट्रान्सफरमा एसी मिलानमा आबद्ध भएका छन्। ३९ वर्षीय मिडफिल्डरले इटालियन क्लबसँग सन् २०२६ को जुनसम्मको सम्झौतामा हस्ताक्षर गरेका छन् । एक वर्ष थप गर्ने विकल्प पनि मिलानसँग हुनेछ। अमेरिकामा भएको क्लब विश्वकपपछि रियल छाड्ने मोड्रिचले मे महिनामा घोषणा गरेका थिए । सम्झौतापछि मोड्रिचले भने,’ खेलजीवनको […]