एजेन्सी – इंग्लिस प्रिमियर लिग क्लब लिभरपुल र वल्भ्सले एफए कपको तेस्रो चरणको खेलमा बराबरी खेलेका छन् । लिभरपुल र वल्भ्सले २–२ गोलको बराबरी खेलेका हुन् ।

एनफिल्डमा शनिबार राति भएको खेलमा लिभरपुलका डार्विन नुनेज र मोहम्मद सलाहले गोल गर्दा वल्भ्सका गोन्कालो गुइडेस र ही चान ह्वाङले गोल गरे ।

खेलको २६औं मिनेटमा गोन्कालो गुइडेसको गोलबाट लिभरपुल १–० ले पछि परेको थियो । ४५औं मिनेटमा डार्विन नुनेजले ट्रेन्ट एलेक्सान्डर आर्नाेल्डको पासमा गोल गर्दै खेललाई १–१ गोलको बराबरीमा ल्याए ।

५२औं मिनेटमा मोहम्मद सलाहको गोलबाट लिभरपुलले खेलमा २–१ को अग्रता लिन सफल भयो । तर, लिभरपुलले त्यो अग्रतालाई जोगाउन सकेन । परिवर्तित खेलाडी ही चान ह्वाङले मैदान छिरेको तेस्रो मिनेटमै गोल गर्दै खेलाई २–२ गोलको बराबरीमा ल्याए । उनी ६३औं मिनेटमा रुवेन नेभेसको स्थानमा मैदान छिरेका टिए ।

त्यसपछि दुवै टोलीबाट थप गोल नभएपछि खेल बराबरीमा सकिएको छ । अब यि दुई टोलीले अर्काे साता प्रतिस्पर्धा गर्नेछ ।

यस्तै तेस्रो राउन्डमा साउथह्याम्टन, प्रेस्टन, रिडिङ, टोटेनहम, बर्नले, एसरिङ्टन, फ्लिटवुड, फुलहम, ब्राइटन, सन्डरल्यान्ड, वेस्ट ह्याम, रेक्सम, ग्रिम्सवी, सेफिल्ड वेनस्डेले सफलता हात पार्दै चौथो चरणमा प्रवेश गरेका छन् ।

चेस्टरफिल्ड र वेस्ट ब्रुम तथा लुटन र विगानले बराबरी खेलेका छन् । उनीहरुले पनि रिप्ले खेल्नेछ ।