एजेन्सी – साविक विजेता इन्टर मिलान कोपा इटालियाको सेमिफाइनलमा प्रवेश गरेको छ । सिरी ‘ए’ प्रतिद्धन्द्धी एटलान्टालाई १–० ले पराजित गर्दै इन्टरले अन्तिम चारमा स्थान पक्का गरेको हो ।
घरेलु मैदानमा इन्टरको जितमा दोस्रो हाफमा माटियो डारमिएनले गरेको गोल नै निर्णायक बन्यो । उनले ५७औं मिनेटमा लोउटारो मार्टिनेजको पासमा गोल गर्न सफल भएका थिए ।
मिलानोमा मंगलबार राति भएको रोमाञ्चक र प्रतिस्पर्धात्मक खेलमा दुवै टोलीले गोलका केही प्रयास गरेपनि थप गोल निस्कन नसक्दा माटियो डारमिएनको गोल नै निर्णायक बन्यो ।
अब इन्टरले सेमिफाइनलमा युभेन्ट्स र लाजियोबीचको विजेतासँग खेल्नेछ । गत सिजन इन्टरले युभेन्ट्सलाई नै हराएर उपाधि जितेको थियो ।
लाजियो र युभेन्ट्सबीचको खेल बिहीबार राति हुनेछ । अर्काे क्वाटरफाइनलमा फियोरेन्टिना र टोरिनो तथा रोमा र क्रेमोनेनेसबीच प्रतिस्पर्धा हुँदैछ ।
