काठमाडौं (हाम्रो खेलकुद) – राष्ट्रिय फुटबल टोलीका दुई खेलाडी कप्तान तथा किरण चेम्जोङ र फरवार्ड अन्जन विष्ट आई (भारतीय) लिगमा एकअर्काविरुद्ध उत्रेको खेल बराबरीमा टुंगिएको छ ।
किरण सम्मलित राउन्ड ग्लास पब्जाब र अन्जन केन्क्रेबीच बुधबार सम्पन्न खेल ३–३ को बराबरीमा टुंगिएको थियो । झण्डै दुई साता अघि भारत गएका अन्जनको त्यो दोस्रो खेल थियो । किरण सुरुवातबाटै राउन्डग्लासको टोलीमा छन् ।
अन्जनले पनि सुरुवात गरेको खेलमा केन्क्रेले दुई पटकको अग्रतालाई पनि जोगाउन सकेन । रन्जित पान्द्रेको गोलबाट तेस्रो मिनेटमै अग्रता लिएको केन्क्रेका लागि अमन गाइवाडले पाँचौं मिनेटमा गोल गरेका थिए । किरणले पोष्ट सम्हालेको त्यो खेलमा एक मिनेटको फरकमा दुई गोल गर्दै राउन्ड ग्लास खेलमा फर्केको थियो ।
छेन्चो ग्याल्तसेनले २६ औं र नाचा सिंहले २७ औं मिनेटमा गोल फर्काएपछि खेल २–० को बराबरी भएको थियो । लुका माजकिनले ३९ औं मिनेटमा गोल गर्दै राउन्ड ग्लासलाई अग्रता दिलाएका थिए । तर, त्यो अग्रता पनि लामो समय टिकेन । ४० औं मिनेटमा रञ्जितले गोल गरेपछि खेल पहिलो हाफमै ३–३ को बराबरी भएको थियो ।
केन्क्रेले अन्तिम ३७ मिनेट १० खेलाडीमा समिति भएर खेलेको थियो । ५३ औं मिनेटमा सुरजजित सिंह नेगीले रातो कार्डको सामना गर्दै मैदान छाडेका थिए । अन्जनलाई ७५ औं मिनेटमा परिवर्तन गरिएको थियो ।
किरणको टोली ३० अंकसहित शीर्षस्थानमा छ । १४ खेलमा टोलीले ९ जित ३ बराबरी र २ खेलमा हार बेहोरेको छ । १४ अंकका साथ कन्क्रे १२ क्लब सम्मलित आई लिगको ११ औंस्थानमा छ । टोलीले १५ खेलमा ३ जित, ५ बराबरी र ७ खेलमा हार बेहोरेको छ ।
