10 months ago
February 3, 2023
एजेन्सी – कप्तान करिम बेन्जेमाको उच्च प्रदर्शन प्रेरित खेलमा शीर्ष दौडमा रहेको रियल म्याड्रिडले स्पेनिस ला लिगामा भ्यालेन्सियामाथि सहज जित हात पारेको छ । रियलले घरेलु मैदानमा भ्यालेन्सियालाई २–० ले पराजित गर्दै शीर्षस्थानमा रहेको बार्सिलोनासँगको अंक दुरी छोट्याएको छ ।घरेलु मैदान सान्टियागो बर्नबेउमा रियलको जितमा मार्काे एसेन्सियो र भिनिसियस जुनियरले गोल गरे । दुवै गोल […]
एजेन्सी – कप्तान करिम बेन्जेमाको उच्च प्रदर्शन प्रेरित खेलमा शीर्ष दौडमा रहेको रियल म्याड्रिडले स्पेनिस ला लिगामा भ्यालेन्सियामाथि सहज जित हात पारेको छ ।
रियलले घरेलु मैदानमा भ्यालेन्सियालाई २–० ले पराजित गर्दै शीर्षस्थानमा रहेको बार्सिलोनासँगको अंक दुरी छोट्याएको छ ।घरेलु मैदान सान्टियागो बर्नबेउमा रियलको जितमा मार्काे एसेन्सियो र भिनिसियस जुनियरले गोल गरे । दुवै गोल दोस्रो हाफमा भएको थियो ।
पाहुना टोली भ्यालेन्सियालाई खेलको सुरुवातदेखि नै दवावमा राखेको रियलले गोलको लागि दोस्रो हाफ नै कुर्नुपरेको थियो ।१९औं मिनेटमा कप्तान करिम बेन्जेमाको पासमा मार्काे एसेन्सियोको प्रहारलाई गाब्रिएल पौलिस्टाले ब्लक गर्दै रियलको अग्रता टारे । २३औं मिनेटमा बेन्जेमा चुके ।
पहिलो हाफको इन्ज्युरी समयको थप गरिएको तेस्रो मिनेटमा एन्टेनियो रुडिगरले गोल गरेपनि भिएआरबाट मान्यता पाएन । रुडिगरले लुका मोड्रिचको कर्नरमा बेन्जेमाबाट आएको पासलाई हेडरमार्फत सदुपयोग गरेका थिए । तर, भिएआरमा बेन्जेमाले पास दिने क्रममा युनुस मुसाहलाई फउल गरेको देखिएको थियो ।
दोस्रो हाफमा भने रियल रोकिएन । ५२औं मिनेटमा मार्काे एसेन्सियोले सानदार गोल गर्दै रियललाई १–० को अग्रता दिलाए । भिनिसियस जुनियरले दिएको लो क्रसलाई नियन्त्रणमा लिदै बेन्जेमाले दिएको पासलाई एसेन्सियोले पेनाल्टी बक्सबाहिरबाट गरेको सशक्त प्रहार दोस्रो बार च्याप्दै गोलमा परिणत हुँदा भ्योलन्सियाका गोलरक्षकले रोक्ने कुनै भेउ नै पाएन ।
त्यसको दुई मिनेटपछि भिनिसियसले गोल गर्दै रियलको अग्रता दोब्बर पारे । कप्तान बेन्जेमाकै पासमा भिनियसले मैदानको मध्यभागबाट बल अघि बढाउँदै क्लोज रेन्जबाट गोलरक्षकलाई बिट गर्दै गोल गर्न सफल भएका थिए ।
७२औं मिनेटमा भ्यालेन्सिया १० खेलाडीमा समेटिन पुग्यो । भिनिसियस जुनियरमाथि फउल गरेपछि रेफ्रीले गाब्रिएल पौलिस्टालाई सिधैं रातो कार्ड देखाउँदै मैदान बाहिर पठाए । भिनिसियसमाथि अनावश्यक फउल गरेपछि दुई टोलीबीच केही समय झगडा भएको थियो । त्यसपछि थप गोल निस्कन नसक्दा रियल विजयी हुन सफल भयो ।
यस जितसँगै रियलले शीर्षस्थानमा बार्सिलोनासँगको अंक दुरी ५ मा छोट्याएको छ । दोस्रो स्थानमा रहेको रियलको १९ खेलबाट ४५ अंक पुगेको छ । समान खेलबाटै बार्सिलोनाको ५० अंक छ । पराजित भ्यालेन्सिया २० अंक जोडेर १४औं स्थानमा छ ।
December 5, 2023
दिपक बोहरा, पाँचथरताप्लेजुङको कर्ण सिंह सोनाम स्मृति क्लब पाँचथरमा जारी प्रथम किराँत गोल्डकपमा सेमिफाइनल प्रवेश गरेको छ । ए डिभिजन क्लब हिमालयन शेर्पालाई मंगलबार ४–३ ले हराउँदै कर्ण सिंह सोनाम अन्तिम चारमा पुगेको हो । कर्ण सिंहका लागि प्रविण जवेगुले २ तथा मन्जित येङ्देन र दिपेश लिम्बुले समान १ गोल गरे । हिमालयनका लागि ओस्कार, […]
December 5, 2023
काठमाडौं (हाम्रो खेलकुद) – वीरगन्ज युनाइटेड फुटबल क्लबले अपराजित ललितपुर सिटी फुटबल क्लबलाई बराबरीमा रोक्दै नेपाल सुपर लिग २ मा पहिलो अंक जोडेको छ । दशरथ रंगशालामा दुवै टोलीले अग्रता गुमाएको खेल २-२ को बराबरीमा सकिएको हो । ललितपुरले लगातार तेस्रो खेलमा बराबरीमा रोकिँदा वीरगन्जले भने तेस्रो खेलमा आएर पहिलो अंक जोड्यो । यससँगै ललितपुरले […]
December 5, 2023
काठमाडौं (हाम्रो खेलकुद) – ललितपुर सिटी फुटबल क्लबले नेपाल सुपर लिग २ अन्तर्गत वीरगन्ज युनाइटेड एफसीविरुद्ध जारी खेलको पहिलो हाफमै पुनरागमनसहित अग्रता लिएको छ । पहिलो हाफमा ललितपुर २-१ ले अघि छ । दशरथ रंगशालामा वीरगन्जले खेलमा सुरुवाती अग्रता बनाएपनि ललितपुरले लगातार दबाब कायम राख्दै अग्रता लिन सफल भयो । खेलको पहिलो मिनेटदेखि नै वीरगन्जको […]