2 years ago
February 5, 2023
एजेन्सी – जर्मन बुन्डेसलिगामा बोरुसिया डर्टमुण्डले सानदार जित दर्ता गरेको छ । घरेलु मैदानमा डर्टमुण्डले १० खेलाडीमा समेटिएको फ्रेइवर्गलाई ५–१ को भारी गोल अन्तरले पराजित गरेको हो ।
सिग्नल इडुना पार्कमा शनिबार राति भएको खेलमा डर्टमुण्डको जितमा निको स्लाटरबेक, करिम एडियमी, सेवास्टिन हालेर, जुलियन ब्रान्ड्ट र जियोभानी रेनाले गोल गरे । फ्रेइवर्गका लुकास होलेरले एक गोल फर्काए ।
खेलको १७औं मिनेटमा नै पाहुना टोली १० खेलाडीमा समेटिन पुगेको थियो । किलिएन सिलडिया दोहोरो पहेँलो कार्ड खाँदै मैदानबाट बाहिरिए । २६औं मिनेटमा निको स्लाटरबेकले गोल गर्दै डर्टमुण्डलाई १–० को अग्रता दिलाए ।
४५औं मिनेटमा लुकास होलेरले गोल गर्दै खेललाई १–१ गोलको बराबरीमा ल्याए । दोस्रो हाफमा भने डर्टमुण्डले खेलमा पकड जमाउँदै चार गोल थप्न सफल भयो ।
४८औं मिनेटमा करिम एडियमीले गोल गर्दै डर्टमुण्डलाई खेलमा २–१ ले अघि बढाए । उनले जुड बेलिङहमको पासमा गोल गर्न सफल भएका थिए ।
५१औं मिनेटमा सेवास्टिन हालेरले गोल गरेपछि डर्टमुण्ड सहज जिततर्फ अग्रसर बन्यो । टेस्टिकुल क्यान्सरबाट निको भएपछि तीन साताअघि खेलमा फर्किएका वेस्ट ह्याम युनाइटेडका पुर्व फरवार्डले पहिलो गोल गर्न सफल भएका हुन् ।
एर्लिङ ब्राउट हालान्डको प्रतिस्थापनको रुमा डर्टमुण्डले अनुबन्ध गरेको केही दिनपछि नै उनलाई क्यान्सर पुष्टि भएको थियो । त्यसपछि उनको दुई शल्यक्रिया गरिएको थियो । २८ वर्षीय हालेरको गत नोभेम्वरमा चार राउण्ड केमो थेरापी र शल्यक्रिया गरिएको छ ।
‘म पहिलो दिनदेखि नै यो क्षणको लागि पर्खिरहेको छु । जब मैले गोल गरें, सम्पूर्ण स्टेडियममा आगो लागेको जस्तो लाग्यो ।’ हालेरले भने, ‘म खुसी छु, तर बाटो अझै लामो छ, त्यसैले हामी हिँडिरहनेछौं र थप लक्ष्यहरूको लागि आशा राख्नेछौं ।’
हालेर जनवरी २२ मा अग्सबर्गविरुद्धको घरेलु लिगमा ४–३ को जित निकालेको खेलबाट मैदान फर्किएका थिए । ६९औं मिनेटमा जुलियन ब्रान्ड्टले गोल गरेपछि डर्टमुण्ड खेलमा ४–१ ले अघि बढ्यो ।
७७औं मिनेटमा फ्रेइवर्गका प्रशिक्षक क्रिस्टियन दोहोरो पहेलो कार्डसहित रातो कार्ड खाएर टचलाइन छाड्न बाध्य बने । ८२औं मिनेटमा जियोभानी रेनाले गोल गर्दै डर्टमुण्डलाई ५–१ को सानदार जित दिलाए ।
यस जितसँगै डर्टमुण्ड १९ खेलबाट ३७ अंक जोडेर तेस्रो स्थानमा उक्लिएको छ । पराजित फ्रेइवर्ग ३४ अंक जोडेर छैटौं स्थनमा छ ।
July 13, 2025
काठमाडौं (हाम्रो खेलकुद) – एन्फा यु-१६ युथ लिगमा सातदोबाटो युथ क्लबको पोस्टमा मछिन्द्र क्लबले दर्जन गोल गरेको छ । एन्फा कम्प्लेक्स सातदोबाटोमा भएको आइतबारको दोस्रो खेलमा मछिन्द्रले सातदोबाटोलाई १२-१ को फराकिलो अन्तरले पराजित गरेको छ । चौथो खेलमा तेस्रो जित दर्ता गर्ने क्रममा मछिन्द्रका लागि विकास थापाले ह्याट्रिक, राहुल कुमार योञ्जन र गोविन्द विकले समान […]
July 13, 2025
काठमाडौं (हाम्रो खेलकुद)- साफ यु-२० महिला च्याम्पियनसिपको पहिलो हाफमा नेपाल विरूद्ध बंगलादेशले २-० को अग्रता बनाएको छ। बंगलादेशमा जारी च्याम्पियनसिपको १३औं मिनेटमा घरेलु टोलीले अग्रता बनायो। सिना जहान शिखाले गोल गरिन्। डिफेन्डर गंगा रोकायाले गोल लाईनबाट बचाएको बललाई उनले गोल गरेकी हुन्। त्यसपछि नेपालले बराबरी गोल फर्काउने मौका गुमायो। २८औं मिनेटमा अनिषा राईको फ्रि किक […]
July 13, 2025
काठमाडौं (हाम्रो खेलकुद) – जावलाखेल युथ क्लबले एन्फा यु-१६ युथ लिगमा दोस्रो जित हात पारेको छ । एन्फा कम्प्लेक्स सातदोबाटोमा आइतवारको पहिलो खेलमा जावलाखेलले श्री भगवतीलाई २-१ गोल अन्तरले पराजित गर्यो । दोस्रो जित दिलाउने क्रममा जावलाखेलका लागि विशाल शाही र समिर लोप्चनले गोल गरे । श्री भगवतीका लागि सुयोग श्रेष्ठले गोल फर्काए । श्री […]