default_image

2 years ago

February 5, 2023

भुटानमाथि नेपालको जित,अमिशाको ह्याट्रिक

428 views

0 Bookmark

काठमाडौं (हाम्रो खेलकुद)– नेपाली फुटबल टोलीले साफ यू २० महिला च्याम्पियनसिपको फाइनल पुग्ने सम्भावनालाई जीवित राखेको छ । बंगलादेशमा जारी च्याम्पियनसिपमा आइतबार भुटानलाई ४–० ले हराउँदै नेपालले फाइनल पुग्ने सम्भावना यथावत राखेको हो ।

वीर श्रेष्ठ सहिद सिपाही कमल स्टेडियममा नेपालले भुटानविरुद्ध पहिलो र दोस्रो हाफमा समान २ गोल गरेको थियो ।

नेपालका लागि अमिशा कार्की ह्याट्रिक र कप्तान प्रिती राई गोल गरेकी थिइन् । अमिशाको गोलबाट नेपालले १९ औं मिनेटमा अग्रता लिएको थियो । पहिलो हाफको इन्जुरी समयमा अमिशाले दोस्रो गोल गरिन् । प्रितीले ६१ औं मिनेटमा गोल गरिन् भने अमिशाले त्यसको एक मिनेटपछि अर्को गोल गर्दै ह्याट्रिक पूरा गरिन् ।

पहिलो खेलमा शुक्रबार नेपाल आयोजक बंगलादेशसँग ३–१ ले पराजित भएको थियो । पहिलो खेलमा भुटान भने भारतसँग १२–० ले पराजित भएको थियो ।

सहभागी ४ टोलीबीच राउन्ड रोविनका आधारमा च्याम्पियनसिप भइरहेको छ । राउन्ड रोविन पछि शीर्ष २ टोलीले फाइनल खेल्नेछन् । आजै एक खेल जितेसकेका बंगलादेश र भारतबीच प्रतिस्पर्धा हुनेछ । राउन्ड रोविनको अन्तिम दिन नेपाल र भारत तथा बंगलादेश र भुटानबीच हुनेछ ।

September 12, 2024

वालिङमाथि एपिएफको कठिन जित

काठमाडौं(हाम्रो खेलकुद) – साविक विजेता नेपाल एपिएफ फुटबल क्लबले एन्फा महिला लिगमा वालिङ नगरपालिकामाथि कठिन जित निकाल्दै दोस्रो स्थानमा उक्लिएको छ। चौथो खेलमा तेस्रो जित निकाल्ने क्रममा एपिएफले बिहीवार वालिङलाई २-१ हरायो । सातदोबाटोस्थित एन्फा कम्प्लेक्समा भएको दिनको दोस्रो खेलमा एपिएफलाई जित दिलाउन रेनुका नगरकोटी र रश्मीकुमारी घिसिङले गोल गरे । वालिङका लागि भने सिसे […]

September 12, 2024

बागमतीलाई हराउँदै आर्मी दोस्रो स्थानमा

काठमाडौं(हाम्रो खेलकुद) – विभागीय टोली त्रिभुवन आर्मी फुटबल क्लब एन्फा महिला लिगमा बागमती युथलाई पराजित गर्दै दोस्रो स्थानमा उक्लिएको छ । चौथो खेलमा तेस्रो जित निकाल्ने क्रममा आर्मीले बिहीवार बागमतीमाथि ३-० को जित हात पार्यो । सातदोबाटोस्थित एन्फा कम्प्लेक्समा भएको खेलमा आर्मीको जितमा विमला चौधरी, अमिशा कार्कीले समान १ गोल गर्दा आर्मीले १ गोल उपाहार […]

September 12, 2024

आहा रारा पोखरा गोल्ड कपमा १५ लाख बढी घाटा

पोखरा(हाम्रो खेलकुद) – गत वर्ष आयोजना भएको २३औं संस्करणको आहा रारा पोखरा गोल्ड कपमा १५ लाख रुपैयाँ भन्दा बढी घाटा भएको छ । आयोजक सहारा क्लब पोखराले बिहीवार गोल्डकपको खर्चविवरण प्रस्तुत गर्दै १५ लाख ३८ हजार ४ सय ६६ रुपैयाँ घाटा भएको जनाएको छ । सहारा अनुसार गोल्डकपबाट ९९ लाख ९५ हजार ४ सय ५१ […]

Success

Thank you for your time.