1 year ago
February 5, 2023
एजेन्सी – स्पेनिस ला लिगा अन्तर्गत महारथी रियल म्याड्रिडले हार बेहोरेको छ । अंक तालिकाको दशौं स्थानमा रहेको मालोर्काले रियलविरुद्ध १-० को जित दर्ता गरेको हो ।
खेलको वार्म अपको क्रममा नै गोलरक्षक थिबाउट कोर्टुवा घाइते भएपछि रियल दबाबमा थियो । १३ औं मिनेटमा घरेलु टोली मालोर्काले अग्रता लियो । भेदाट मुरिकीको हेडर नाचोलाई लाग्दै गोलमा परिणत भएपछि रियल पछि परेको थियो ।
दोस्रो हाफमा रियलले खेलमा फर्कने सुवर्ण अवसर पाएको थियो । गोलरक्षक पेद्राग राकोभिचले भिनीसियसलाई पेनाल्टी क्षेत्र भित्र लडाएपछि रियलले पेनाल्टीको अवसर पायो । तर मार्को एसेन्सियोले पेनाल्टीमा गोल गर्न सकेनन् । गोलरक्षक राकोभिचले एसेन्सियोको प्रहार विफल पारे ।
सन् २०१९ पछि मालोर्काले रियललाई पहिलो पटक हराएको हो । हालसम्म यी दुई टोलीको १४ पटक खेल हुँदा मालोर्का २ पटक विजयी भएको छ ।
यस हारसँगै रियल बने बार्सिलोनाभन्दा ५ अंकले नै पछि रहेको छ । एक खेल कम खेलेको बार्सिलोनाले आज सेभियालाई पराजित गरे ८ अंकको अग्रता लिनेछ । बार्सिलोनाको १९ खेलमा ५० अंक तथा रियलको २० खेलमा ४५ अंक रहेको छ ।
July 26, 2024
काठमाडौं (हाम्रो खेलकुद) – एएफसी च्यालेन्ज लिग प्लेअफको तयारी गरिरहेको अपि पावर चर्च ब्वाइज युनाइटेडले मैत्रीपूर्ण खेलमा त्रिभुवन आर्मी फुटबल क्लबलाई पराजित गरेको छ । अर्को साताबाट भारतमा सुरु हुने डुरान्ड कपको तयारी गरिरहेको आर्मीको भद्रकाली स्थित मुख्यालयको फुटबल मैदानमा खेलिएको खेलमा पाहुना टोली ३-२ ले विजयी रह्यो । चर्च ब्वाइजका लागि फरवार्ड अन्जनले दुई […]
July 26, 2024
सुशिल पन्त क्षेत्री,चितवन सेन्ट्रल कलेज चितवन जिल्ला ए डिभिजन लिग फुटबलमा शुक्रबार सौराहा युवा समाज र पानस युवा क्लब विजयी भएका छन् । शारदानगरको मैदानमा पहिलो खेलमा सौराहाले गीतानगर ब्वाइजलाई ३-१ ले हरायो । खेलमा सौराहालाई जिताउन सुशील घलानले ३५ औं र ५२ औं मिनेटमा गोल गरे । यस्तै लक्की गायकले २७ औं मिनेटमा गोल […]
July 26, 2024
काठमाडौं (हाम्रो खेलकुद) – ललित स्मृति यु-१८ लिग अन्तर्गत शुक्रवार भएका खेलमा सातदोबाटो युथ क्लब र नेपाल पुलिस क्लब विजयी भएका छन् । एन्फा कम्प्लेक्स सातदोबाटमा भएको दिनको पहिलो खेलमा सातदोबाटोले मनाङ मर्स्याङ्दी क्लब माथि २-० को जित दर्ता गरेको हो । सातदोबाटोका लागि सोनाम छिरिङ गुरुङ र प्रज्वल कार्कीले समान १-१ गोल गरे । […]
