1 year ago
February 7, 2023
हिमाल खरेल, भद्रपुर पहिलो संस्करणको भद्रपुर झापा गोल्डकप फुटबल प्रतियोगितालाई चौधरी ग्रुपको उत्पादन मुस्ताङले मुख्य प्रायोजन गरेको छ । प्रायोजन सम्झौतापछि प्रतियोगिताको नाम अब ‘मुस्ताङ भद्रपुर झापा गोल्डकप’ रहनेछ । भद्रपुरस्थित होटल आनीमा मंगलबार आयोजित पत्रकार सम्मेलनमा भद्रपुर झापा गोल्डकपका अध्यक्ष दिपेश ढकाल र मुस्ताङका तर्फबाट नेसनल सेल्स हेड युवराज खत्रीले सम्झौता पत्रमा हस्ताक्षर गरे […]
हिमाल खरेल, भद्रपुर
पहिलो संस्करणको भद्रपुर झापा गोल्डकप फुटबल प्रतियोगितालाई चौधरी ग्रुपको उत्पादन मुस्ताङले मुख्य प्रायोजन गरेको छ । प्रायोजन सम्झौतापछि प्रतियोगिताको नाम अब ‘मुस्ताङ भद्रपुर झापा गोल्डकप’ रहनेछ ।
भद्रपुरस्थित होटल आनीमा मंगलबार आयोजित पत्रकार सम्मेलनमा भद्रपुर झापा गोल्डकपका अध्यक्ष दिपेश ढकाल र मुस्ताङका तर्फबाट नेसनल सेल्स हेड युवराज खत्रीले सम्झौता पत्रमा हस्ताक्षर गरे । प्रतियोगिता फागुन ७ गतेदेखि १६ गतेसम्म भद्रपुर–८ मा रहेको मेची रंगशालामा हुनेछ ।
रंगशालामा करिब २० हजार दर्शक बस्न सक्नेगरी स्थायी प्यारापिटको मर्मत तथा रङरोगन कार्य सम्पन्न भइसकेको छ । त्यस्तै, बाँसको अस्थायी प्यारापिट पनि निर्माण कार्य पनि अन्तिम चरणमा पुगेको बताइएको छ । पहिलो संस्करणको भद्रपुर झापा गोल्डकपको विजेताले उपाधिसहित १३ लाख र दोस्रो टोलीले ७ लाख रुपैयाँ प्राप्त गर्नेछ । गोल्डकपका लागि १ करोड ५० लाख रुपैयाँ खर्च लाग्ने अनुमान गरिएको छ ।
प्रतियोगिताको सर्वोत्कृष्ट खेलाडीले एक लाख तथा उत्कृष्ट गोल किप्पर, उच्च गोलकर्ता, उदीयमान खेलाडी र प्रशिक्षकले २५ हजार रुपैयाँ प्राप्त गर्नेछन् । हरेक खेलको प्लेयर अफ द म्याचले १० हजार रुपैयाँ पाउनेछन् । प्रतियोगितामा आयोजक भद्रपुर झापा ११, नेपालका तीन विभागीयसहित ६ वटा डिभिजन क्लब र भारत, भुटान र बंगलादेशका तीन विदेशी क्लब गरि १० टोलीको सहभागिता रहनेछ झापा गोल्डकपका अध्यक्ष ढकालले बताए ।
March 28, 2024
हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]