एजेन्सी – अर्जेन्टिनी सुपरस्टार फरवार्ड लियोनेल मेस्सीले युइएफए च्याम्पियन्स लिग अन्तरगत जर्मन क्लब बायर्न म्युनिखसँगको प्रि–क्वाटरफाइनलको पहिलो लेगको खेल गुमाउने सम्भावना बढेको छ ।

चोटका कारण मेस्सीले बायर्न म्युनिखविरुद्धको प्रि–क्वाटरफाइनलको पहिलो लेग गुमाउने सम्भावना बढेको पेरिस सेन्ट जर्मेन (पिएसजी) ले जनाएको छ ।

पिएसजी र बायर्नबीचको च्याम्पियन्स लिगको पहिलो लेगको खेल पिएसजीको मैदानमा १४ फेब्रुअरीमा र दोस्रो लेग बायर्नको मैदानमा ८ मार्चमा हुँदैछ । कप डि फ्रान्सको प्रि–क्वाटरफाइनलमा मार्सेसँग २–१ ले पराजित भएको खेलमा मेस्सीले ह्यामस्ट्रिङको समस्या भोगेका थियो ।

लाइक्युपका अनुसार मेस्सीले यसै साता मोनाकोविरुद्ध हुने फ्रेन्च लिग वानको खेल पनि गुमाउने छन् । तर पीएसजीले फिफा विश्वकप विजेता बायर्नसँगको युइएफए च्याम्पियन्स लिगको भिडन्तको लागि मेस्सी टोलीमा फर्कन सक्ने आशा राखेका छन् ।

प्रशिक्षक क्रिस्टोफ गाल्टिएरलाई मेस्सीले चोटले थप जटिलता थपेको छ । यसअघि पिएसजीले यसअघि चोटकै कारण केलियन एमबाप्पेलाई गुमाइसकेको छ । उनी तिघ्राको चोटका कारण एक महिना मैदान बाहिर छ । उनी बायर्नसँगको दोस्रो लेगमा अघि फर्कने अपेक्षा गरिएको छैन ।