दिपक बोहोरा
पाँचथर ( फिदिम )– आयोजक फिदिम स्र्पोटिङ क्लबले पाँचथरको फिदिममा शुक्रबार सुरु भएको आठौं फाल्गुनन्द गोल्ड कप विजयी सुरुआत गरेको छ । फिदिम उच्च मावीको मौदानमा आयोजक फिदिमले हिम कस्तुरी क्लब सिराहा ११ लाई १–० ले हरायो ।
साजन राईले २७ औं मिनेटमा गरेको गोल नै खेलको निर्णायक बन्यो । हिमकस्तुरीका खेलाडी पेनाल्टी बक्समा फाउल गरेपछि फिदिमले पेनाल्टी पाएको थियो । साजनले पेनाल्टी प्रहार गर्दा विपक्षी गोलकिपरले रोकेपनि पूर्ण रुपमा नियन्त्रणमा लिन नसकेपछि उनले त्यहि रिबाउन्डमा गोल गरेका थिए ।
हिम कस्तुरकिा प्रशिक्षक श्याम सुन्दर सिंले नयाँ परिवेश र नयाँ ठाँउमा खेल्न कठिन भएको बताए । उनले हाम्रो खेलकुदसँग भने,‘राम्रो खेल्दा खेल्दै हामी हार्यौं ।’फिदिम स्पोर्टिङका प्रशिक्षक पासाङ तामाङ सोचे अनुरुप टोलीले प्रदर्शन गर्न नसकेको बताए । उनले अर्को खेलमा अझ मिहेनत गर्नु पर्ने औल्याए ।
फिदिमका गोल गर्ने खेलाडी साजन म्यान अफ द म्याच भए । उन लाई नेपाली कांगे्रस जिल्ला सभापति नरेन्द्र केरुङले म्यान अफ द म्याचको पुरस्कार प्रदान गरे । त्यसअघि संघिय तथा स्थानिय बिकास राज्यमन्त्री श्रीप्रसाद जबेगुले उद्घाटन खेलेका थिए । पुस २४ गते सम्म हुने गोल्डकपमा १० टोलीको सहभागिता छ ।
फाल्गुनन्द गोल्डकपमा शनिबारको खेल
– साइनो स्र्पोटिङ क्लब, मोरङ ११ विरुद्ध कर्ण सिं सोनाम स्मृति क्लब ताप्लेजुङ ११
