default_image

1 year ago

February 19, 2023

एमबाप्पे, मेस्सी र नेयमारको गोलमा पिएसजीको जित

124 views

0 Bookmark

एजेन्सी – एकै खेलमा स्टार फरवार्डत्रय केलियन एमबाप्पे, लियोनेल मेस्सी र नेयमारले गोल गरेपछि पेरिस सेन्ट जर्मेन (पिएसजी) ले फ्रेन्च लिग वानमा रोमाञ्चक जित दर्ता गरेको छ ।

घरेलु मैदानमा पिएसजीले लिलमाथि ४–३ को रोमाञ्चक जित हात पारेको हो । पिएसजीको जितमा एमबाप्पेले दुई तथा नेयमार र मेस्सीले समान एक गोल गरे । लिलका बाफोड डियाकिट, जोनाथन डाभिड र जोनाथन बाम्वाले गोल फर्काए ।

पार्क डेस प्रिन्सेसमा आइतबार राति गोलको वर्षा भएको खेलको ११औं मिनेटमा एमबाप्पेको गोलबाट पिएसजीले सुरुवाती अग्रता लिएको थियो । उनले नेयमारको पासमा गोल गर्न सफल भएका थिए ।

१७औं मिनेटमा नेयमारले गोल गर्दै पिएसजीको अग्रता दोब्बर पारे । उनले भिटिन्हाको पासलाई सदुपयोग गरेका थिए । २४औं मिनेटमा बाफोड डियाकिटले आन्द्रे गोमेसको पासमा गोल गर्दै खेललाई पहिलो हाफमा २–१ को स्थितिमा ल्याए ।

५८औं मिनेटमा जोनाथन डाभिडले पेनाल्टीमा गोल गर्दै खेललाई २–२ गोलको बराबरीमा ल्याए । ८७औं मिनेटमा एमबाप्पेले व्यत्तिगत दोस्रो तथा टोलीका लागि तेस्रो गोल गर्दै पिएसजीलाई खेलमा ३–२ ले अघि बढाए ।

यसपटक एमबाप्पेले जुआन बर्नाटको पासमा गोल गरेका थिए । इन्ज्युरी समयको थप गरिएको पाँचौं मिनेटमा मेस्सीले फ्रिकिकमा सिधै गोल गर्दै पिएसजीलाई ४–३ को रोमाञ्चक र प्रतिस्पर्धात्मक जित दिलाए ।

यस जितसँगै शीर्षस्थानमा रहेको पिएसजीको २४ खेलबाट ५७ अंक पुगेको छ । पराजित लिल ४१ अंक जोडेर छैटौं स्थानमा रहेको छ ।

June 16, 2024

स्पेन र इटालीको जित

एजेन्सी – युरो कप २०२४ को समूह ‘बी’ मा स्पेन र इटाली विजयी भएका छन् । शनिबार भएका दुई अलग खेलमा स्पेन र इटलीले जित हासिल गरेका हुन् । स्पेनले बलियो मानिएको क्रोएसिया लाई ३-० को सहज अन्तरले हरायो । पहिलो हाफमा नै ३ गोल गरेपछि क्रोएसिया खेलमा फर्कन सकेन । २९औं मिनेटमा कप्तान अल्भारो […]

June 15, 2024

स्विट्जरल्यान्डको विजयी सुरुवात

एजेन्सी – स्विट्जरल्यान्डले युरो कप २०२४ मा विजयी सुरुवात गरेको छ । शनिबार साँझ भएको पहिलो खेलमा स्विट्जरल्यान्डले हंगेरीलाई ३-१ ले पराजित गरेको हो । खेलको १२औं मिनेटमा नै क्वाडवो डुवाहले गोल गर्दै स्विट्जरल्यान्डलाई अग्रता दिलाएका थिए । माइकल एविसरले दिएको थ्रु-पासमा बक्स भित्रबाट उनले राम्रो फिनिश गरेका थिए । ४५औं मिनेटमा एविसरले गोल गर्दै […]

June 15, 2024

जर्मनीको सानदार सुरुवात

एजेन्सी – उपाधि दावेदार तथा आयोजक जर्मनीले युरो कप २०२४ को सानदार सुरुवात गरेको छ । स्कटल्यान्डलाई ५–१ ले पराजित गर्दै जर्मनीले सानदार सुरुवात गरेको हो । सबै छ गोल जर्मनीका खेलाडीले गरेका थिए । १० खेलाडीमा समेटिएको स्कटल्यान्डविरुद्ध जर्मनीको सानदार जितमा पाँच खेलाडी फ्लोरिएन रिट्ज, जमल मुसिएला, काई हार्भटज, निकलस फुलक्रग र एम्री क्यानले […]

Success

Thank you for your time.